web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i deputetes së LSI-së/ Diplomatët e huaj kanë prodhuar destabilitet, të përfshirë në afera...

12 Prill 2018, 21:01, Aktualitet CNA

 Thotë se është e zhgënjyer nga trupa diplomatike që funksionon në Shqipëri pasi veçanwrisht pas vitit 2015 ka prodhuar dekonstruktivitet dhe destabilitet, ndërsa shton se jo pak prej drejtuesve diplomatik kanë lidhje me afera korruptive.

Personi që ngre akuza të forta në adresim të përfaqësuesve të ambasadave të rendësishmëe në Shqipëri është Kejdi Mehmetaj, deputetja e LSI-së, e qenë prezente në emisionin “360 gradë”, ku si temë diskutimi është ” Kush përfiton nga tensioni politik:Rama apo opozita”?

Në pjesën e tretë të emisionit diskutimi përfshiu konfliktin e ish kryeprokurorit Llalla me ambasadorin amerikan Lu, por edhe denoncimin e deputetit Sali Berisha ndaj ambasadores Vlahutin.

Në këtë atmosferë diplomatësh të huaj që funksionojnë në Shqipëri deputetja e LSI-së denoncoi, pa përmendur emra konkret , faktin sipas të cilit jo pak prej këtyre diplomatëve, që flasin për luftën ndaj korrupsionit, janë vetë të përfshirë në afera.

“Unë edhe si vajzë e re në politikë kam pësuar një zhgënjim të jashtëzakonshëm nga trupa diplomatike në Shqipëri, të cilët nga 2015-ta e këtej, kanë prodhuar dekonstruktivitet, destabilitet në Shqipëri.

Nuk kam për ta harruar presionin e ambasadorëve kundër deputetëve për të votuar Reformën në Drejtësi. Ne që jemi dhe punojmë përditë me ta e ndjejmë presionin. Ka dy prapavija, e para korrupsioni që bëhet i përbashkët.

Shumë shpejt kanë për të dalë dhe do të dalin lidhjet e aferave korruptive të njerëzve të afërt të përfaqësive politike në Shqipëri. E dyta, ka pasur një përpjekje të vazhdueshme që Shqipëria të ishte padrejtësi”, ka denoncuar Mehmetaj./CNA.al





Lajmet e fundit nga