E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga takimi i parë tek skenat e humori, parodistët e Vlorës tregojnë sekretet e një jetë në skenë

11 Prill 2018, 11:53, Lifestyle CNA

Ata janë mjeshtra të humorit shqiptarë, që kanë ditur të gërshetojnë humorin me muzikën duke dhuruar parodi të pakrahasueshme. Mane Lumani, Afrim Agalliu, Agron Hamo dhe Muhamet Lika janë Parodistët e Vlorës, të cilët përmes humorit i kanë dhuruar publikut emocione të papërsëritshme. Por, për shkak të problemeve shëndetësore, aktori Lumani është tërhequr nga grupi, ndërkohë që tre të tjerët vijojnë të jenë aktivë me shfaqjet e tyre.

?Unë kam një kopsht privat në shtëpinë time dhe kur pemët çelin lulet, këtu është një mrekulli?, tha Agalliu. Muhamet Lika po ashtu së bashku me pjesëtarët e tjerë të grupit i ka dhuruar publikut të qeshura pa fund. Por, përtej skenës ai është shumë serioz dhe i rezervuar në familje. Ai është i martuar me Zhanetën, ka një vajzë dhe një djalë, si dhe 3 nipër e një mbesë. ?Meti është njeri serioz dhe shumë i mirë, për fëmijët dhe për mua. Ai ia ka dalë mbanë gjithmonë?, tha bashkëshortja e Likës.

Anëtari tjetër i grupit, Agron Hamo, i cili është edhe një nga themeluesit, është i martuar me Ilirjanën dhe ka dy vajza. Të dy vajzat e tij jetojnë jashtë dhe kjo e ka bërë aktorin të udhëtojë shpesh për të qenë pranë tyre. Parodistët vijojnë të vazhdojnë punën dhe së fundmi kanë vënë në skenë shfaqjen ?Ka një masazh për ty?, përmes së cilës sjellin me parodi problemet më aktuale të shoqërisë, por edhe të politikës.

Po ashtu ata rrëfyen se si u bënë bashkë të katër aktorët. ?Është një histori e hershme, unë me Afrimin kemi filluar fillimisht me estradat amatore. Ne patëm fatin e madh që na ftuan aktorë të mëdhenj dhe bëmë ?gol?, na pritën mirë. Në ?78 ka filluar edhe Mane Lumani dhe Muhamet Lika. Parodinë ne e kemi të trashëguar, ka qenë një grup para nesh që e kanë lëvruar këtë gjini. Parodia do edhe vokal dhe ne të katërt kemi patur vesh dhe zë?, tha Hamo./CNA