web counter
LEXO PA REKLAMA!

SHKARKO APP

App Store
Google Play

E fundit!

x

Basha takim me protestuesit kuksianë të liruar/ Thirrje për vijim të revoltës

6 Prill 2018, 14:55, Aktualitet CNA

Kryetari i Partisë Demokratike, Lulzim Basha, ka zhvilluar një takim me protestuesit kuksianë të liruar nga Gjykata, por që janë ende nën ndjekje penale. Pas takimit në fjalë, kreu i PD-së, ka dhënë një deklaratë për mediet, ku tha se, “këta janë njerëzit në shtëpitë e të cilëve ka vetëm mjerim e varfëri, dhe që u ngritën për të drejtat e tyre. Këta Rama i kërkon në burg, dhe dyshja Rama-Marku i heton dhe i do në burg.”

Më tej teksa tha se Rama mendon se mund të mbytë revoltën e njerëzve të thjeshtë, u bëri thirrje qytetarëve ë vijojnë me kryengritjen deri në arritjen e kauzës së tyre dhe largimin e qeverisë.

Basha u shpreh se Rama është i mbyllur në bunkerin e tij si frikacak dhe nuk arrin dot të kuptojë gjendjen dhe vështirësinë e tyre.

“U bëj thirrje të gjithë shqiptarëve që të vazhdojmë të gjithë së bashku kryengritjen qytetare, deri në fund, me një fitore të kësaj përpjekje të përbashkët, për t’i dhënë fund një shteti të privatizuar nga Edi Rama. Ai i trajtoi si terroristë, ndërsa ministrat e tij duhet të japin përgjegjësi menjëherë para ligji.

Nuk do të ndalemi deri sa të lirohen të arrestuarit, derisa të hiqet taksa e “Rrugës së kombit” nuk do të ndalemi deri sa të dalin para ligjit projektuesit dhe zbatuesit e kësaj dhune.”, – deklaroi Basha. /CNA.al





Lajmet e fundit nga