E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Skandali i financimeve ruse/ Basha cënoi integritetin e NATO-s

6 Prill 2018, 10:43, Aktualitet CNA

?SHBA dhe ambasada jonë kanë gjithë informacionin në lidhje me këtë çështje dhe që prej gjashtë muajsh po bashkëpunohet me drejtësinë shqiptare për këtë gjë.?, ky ishte qëndrimi që mbajti dje ambasadori i SHBA-ve, Donald Lu në lidhje me skandalin e lobimit të Lulzim Bashës në SHBA, ku ende nuk dihet burimi i të paktën 500 mijë dollarëve.

Deklarata e ambasadorit Lu është dhe më e rëndë akoma, kur ai shpalos dy plane, hetimin dhe ndërhyrjen ruse. ?Kjo çështje është në dy plane, e para nëse janë cënuar ligjet e SHBA-ve dhe Shqipërisë në lidhje me lobimin nga partitë politike dhe lobimin nga vende të tjera dhe plani i dytë dhe shumë i rëndësishëm është në lidhje me ndërhyrjen e rusëve në fushatën zgjedhore në Shqipëri.

Për këtë po mbledhim informacione dhe nëse kjo është e vërtetë atëherë do të cënohej rëndë integriteti i NATO-s.?- tha Lu.

Qëndrimi i ambasadorit në lidhje me cënimin e integritetit të NATO-s është një skandal që deri më sot nuk ishte artikuluar nga media, pas publikimit të dokumentave mbi financimin që Lulzim Basha kishte bërë në SHBA për lobim dhe foto me presidentin Trump.

Kryetari i PD-së është zhytur edhe më thellë sesa ajo që mendon. Përtej financimeve të dyshimta, Luli vë në dyshim integritetin e NATO-s dhe është personi që e cënon rëndë atë.

Binniata Trade është kompania që ka paguar të paktën 150 mijë dollar për lobimin e Lulzim Bashës. Një kompani me pronarë rus që skandali nuk e le thjeshtë dhe vetëm te paratë, por e çon në institucione të rëndësishme të sigurisë botërore siç është NATO.

Basha po kërkon ta kalojë në heshtje, po përpiqet të shpëtojë me justifikime apo duke u mbështetur në Edi Ramën, por cënimi i integritetit të NATO-s është nga ato skandale që e vendos Lulzim Bashën me shpatulla pas murit dhe nuk ka Zot që e shpëton nga një megaskandal që e financoi vetë dhe është vetëm ai përgjegjësi./ CNA.al