web counter
LEXO PA REKLAMA!

SHKARKO APP

App Store
Google Play

Skandal në “Mjekësi”/ Zbardhen pazaret e shefave të klinikave

29 Mars 2018, 13:31, Aktualitet CNA

Më  20 prill të vitit 2016, Universiteti i Mjekësisë zhvilloi zgjedhjet,  ku u zgjodhën rektori Arben Gjata, dekan Xheladin Draçini, shefe e Fakultetit të Mjekësisë Dentare, Edita Xhajanka, si dhe shefja e Fakultetit të Shkencave Mjekësore Teknike, Tatjana Çina.

Është vendosur shumë vite më përpara që zgjedhjet në Fakultetin e Mjekësisë për shefat e  shërbimeve  të  bëhen njëherë në 5 vjet.

Janë bërë  në vitin 2011 , dhe duhej të bëheshin në 2016.

Po bëhen gati dy vite nga zgjedhjet dhe ende ky universitet nuk ka zgjedhur shefat e klinikave.

Burime  konfidenciale i thanë  CNA.al (CityNews.al) se ndonëse jemi në vitin 2018, nuk ka asnjë shenjë për të zhvilluar zgjedhje, për shefat e klinikave.

Ndërkohë, shefat e ?pazëvendësueshëm?  po  diktojnë ligjet dhe vullnetin  e tyre , si mjet presioni ndaj mjekëve  të tjerë.

Duke qenë shefa të padiskutueshëm  po devijojnë dhe shumicën e pacientave në privat, duke përdorur emrin dhe institucionin .

?Janë shefat e vjetër që kanë zënë rrënjë aty dhe nuk i heqin. Po dëmtojnë punën, nuk lënë të rinjtë të avancohen. Zgjodhën dekanin, zgjodhën rektorin e Fakultetit  të Mjekësisë, ndërsa shefat  nuk lëvizën. Ose ka ndonjë marrëveshje ndërmjet  palëve ose diçka tjetër? , ka thënë një burim për CNA.al.

Gjithçka, sipas të njëjtit burim, ndodh me bekimin e Ministrisë së Arsimit.

?Janë bërë shumë pazare se të zgjedhësh dekanin, rektorin  e të mos bësh zgjedhje tek shefat e shërbimeve, e para është absurde dhe e dyta është e kundërligjshme. S? ka asnjë shpresë për rizgjedhje?, ka shtuar më tej burimi në fjalë.

Procesi i zgjedhjeve në Universitetin e Mjekësisë, duhej të ishte transparent, për shkak të rëndësisë që ka ky institucion,  duke  mos lejuar klientelizmin për realizimin e interesave të një grupi të caktuar dhe duke mos lejuar  ?dorëzimin? e institucionit shtetëror në duart e një grupi mjekësh./CNA.al





Lajmet e fundit nga