web counter
LEXO PA REKLAMA!

SHKARKO APP

Prodhonin produkte ushqimore në kundërshtim me ligjin/ Arrestohen 3 persona, 1 shpallet në kërkim

29 Mars 2018, 08:21, Kronika CNA

Policia e Shkodrës ka bërë të mundur arrestimin e 3 personave, shpalljen në kërkim një të katërti, nën akuzën e “Prodhimit të kundraligjshëm të artikujve dhe mallrave industriale dhe ushqimore” dhe “Fshehja e të ardhurave”.

Sikurse policia bën me dije, në pranga kanë rënë shtetasit me iniciale G.B, 60 vjeç, banues në lagjen ” Ahmet Haxhia”, pronar i firmës, E. B, 26 vjeç, banues në lagjen “Ahmet Haxhia”, i punësuar në firmë, H. E, 60 vjeçe, banues në lagjen “Partizani”, e punësuar merceologe në firmë.

Gjithashtu u shpall në kërkim shtetasi D. H, 45 vjeç, banues në Tiranë , me detyrë Inxhinier merceolog në firmë.

Arrestimi i këtyre shtetasve u bë pasi më datë 28.03.2018 nga ana jonë janë kapur në flagrancë në vendin e quajtur Lagjja “Skënderbeg” zona industriale ish -Fermentimi, në punishten e një firme ku prodhoheshin produkte të ndryshme ushqimore në kundërshtim me ligjin.

Në kuadër të këtij operacioni u bë sekuestrimi i të gjitha produkteve në cilësinë e provës materiale.

Materialet iu referuan Prokurorisë Pranë Gjykatës së Shkallës Parë Shkodër. /CNA.al





Lajmet e fundit nga