web counter
LEXO PA REKLAMA!

SHKARKO APP

E fundit!

x

Dhjetëra shqiptarë përballen me drejtësinë italiane

28 Mars 2018, 10:20, Kronika CNA

Këtë javë nga veriu në jug të Italisë dhjetëra shqiptarë po përballen me drejtësinë italiane për një varg akuzash.

Gjykata e qytetit Rekanati (Recanati) dënoi me 4 vjet burg Haxhi Luarin 35 vjec, sepse me një thikë në dorë kishte grabitur një qebaptore duke i rrëmbyer pronarit 400 euro. Grabitja u krye në 18 tetor 2017.

Gjykata e Imperias filloi këtë të martë gjyqin kundra një bande hajdutësh italo-rumuno-shqiptare. Të pandehurit shqiptarë janë: Altin Gjoka 28 vjec, Bekim Mata 26 vjec dhe Valter  Mehmeti 46 vjec. Të pandehurit u arrestuan nga karabinieria në 2017 në kuadrin e Operacionit ?Predator?.

Gjykata e Leces po gjykon një bandë italianësh ndër të tjera edhe për një tentativë vrasjeje. Në këtë bandë bën pjesë edhe durrsaku Sabin Braho 34 vjec. Sabini ishte personi, që kishte furnizuar bandën me armë zjarri.

Gjykata e Avecanos (Avezzano) dënoi një 26 vjecar shqiptar me dëbim nga Italia për në Shqipëri, sepse ai kur e kapi gruan në flagrancë në krevat me një dentist, e rrahu gruan dhe jaranin (dentistin) duke u shkaktuar plagë të shërueshe për 5 dhe 8 ditë. Gjykata italiane në këtë mënyrë shpërbleu tradhëtinë bashkëshortore të gruas së të riut shqiptar. Deri në momentin, që shqiptari do dëbohet për në Shqipëri bashkëshortja tradhëtare me 2 fëmijë të mitur do të mbahet në një qendër mbrojtjeje për femrat e dhunuara./ Gjergj Thanasi





Lajmet e fundit nga