web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri i bën thirrje Listës serbe të rikthehet për të diskutuar/ Nuk ka këmbim territoresh

28 Mars 2018, 15:27, Aktualitet CNA

Kryeministri i Kosovës, Ramush Haradinaj nëpërmjet një postimi në faqen e tij të rrjetit social i ka dhenë përgjigje diskutimit lidhur me një ndarje të mundëshme të Kosovës, nëpërmjet shkëmbimit të teritoreve, duke i bërë njeherësh thirrje Listës sërbe të rikthehet për të diskutuar rreth temave të përbashkëta.

Ja postimi i plotë i kryeministrit Haradinaj:

“Kosova nuk mund të zhbëhet për hatër të askujt. Nuk ka ndarje të Kosovës dhe as nuk do të ketë këmbim territoresh.

Lista Serbe duhet të kthehet në tavolinë dhe të diskutojë për temat e përbashkëta në të mirë të qytetarëve tanë. Ultimatumi është qasje e gabuar dhe formula e vetme është baza ligjore dhe kushtetuese.

Presidenti serb, Vuqiç, duhet ta kuptoj që durimi i Kosovës nuk duhet testuar pa kufi dhe se ne do ta mbrojmë të drejtën tonë.

Demarkacioni ka marrë epilogun e duhur dhe LDK ka treguar korrektësi politike në këtë proces.

Të gjitha partitë politike duhet të kenë komunikim strategjik, për interesat vitale të vendit si dhe për proceset integruese që na presin.

Për këto dhe temat tjera, ju ftoj ta ndiqni intervistën time me Adriatik Kelmendin në KTV – “Rubikon”, sonte në ora 21:00. RH”.





Lajmet e fundit nga