web counter
LEXO PA REKLAMA!

SHKARKO APP

App Store
Google Play

E fundit!

x

Pas “shuplakave” të Berishës/ Lulzim Basha thërret Këshillin Kombëtar

28 Mars 2018, 12:35, Aktualitet CNA

Pas lëvizjeve të fundit të kritikëve, Partia Demokratike kishte njoftuar se muajin e ardhshëm do të mbledhë Kuvendin Kombëtar, ku do të shqyrtohen dhe miratohen ndryshimet në statutin e kësaj partie.

Kuvendi pritej të mblidhej në datat 28-29 Prill, por pas disa daljeve të fundit të ish-kryeministrit Berisha, Basha ka urdhëruar vartësit e tij të përgatisin mbledhjen e Këshillit Kombëtar i cili do të diskutojë ndryshimet statutore.

Në fakt Këshilli Kombëtar është institucioni më i lartë që është zgjedhur nga Kuvendi Kombëtar, por që Lulzim Basha në katër vite nuk e ka mbledhur asnjë herë të vetme.

Këshilli Kombëtar i Lulzim Bashës është mbushur me personazhe anonimë, disa prej tyre kanë ikur tek Edi Rama dhe disa janë shërbetorë të bizneseve të kunatit.

Gjithësesi, loja e Berishës përballë Lulzim Bashës dhe maska se gjoja po dorëzohet apo po thërret Këshillin Kombëtar duket se nuk është zgjidhje në këto momente.

Është vetëm një lëvizje që nuk zgjidh asgjë dhe tregon edhe një herë atë që ne në CNA.al e kemi përmendur shpesh se kreu demokrat, Lulzim Basha tashmë me besim të humbur, dhe imazh të shkatërruar të demokratëve në opinionin publik, po përpiqet që në panik të gjejë zgjidhje për të shpëtuar.

Por mesa duket edhe loja e Berishës edhe loja e tij nuk e shpëtojnë dot Lulzim Bashen nga katastrofa ku është futur vetë dhe ku po tërheq zvarrë edhe Partinë Demokratike./ CNA.al





Lajmet e fundit nga