web counter
LEXO PA REKLAMA!

SHKARKO APP

App Store
Google Play

E fundit!

x

“Shpërthen” profesori i njohur/ Me PD -në e privatizuar nuk ka opozitë cilësore

28 Mars 2018, 10:59, Aktualitet CNA

Reflektimi i Bashës dhe kërkim falja e tij, duket se nuk kanë sjellë ndonjë impakt pozitiv për të.

Sipas analistit, Agron Gjekmarkaj, reflektimi i vërtetë kërkon të vërë veten në diskutim nëpërmjet votës dhe jo të tjerët nëpërmjet retorikës.

?Të dëbuarit jo e jo dhe gjuajnë pa mëshirë në të gjitha drejtimet, por edhe brenda PDsë së tij dëgjon rënkime pa fund. Ata që janë të distancuar nga të gjitha palët, më të trishtë e kanë shpresën. Intelektualët e djathtë nënqeshin të trazuar në mide. Çfarë mund të bëjë Sali Berisha, i cili me gjasë nuk do të rikthehet? Në fund të prillit, PD ka Kuvendin e saj kombëtar.

Berisha ka autoritetin moral të bëjë thirrje publike për rithemelim të PD-së. Dëshira mbetet e dyshimtë. Vetë ai e ka bërë pjesërisht pa e deklaruar në vitin 2005. Në rastin më hipotetik, sikur të gjithë të përqafoheshin me Bashën, prapëseprapë ata nuk mjaftojnë ta sjellin PDnë në pushtet. Të gjithë janë vënë në provë, duke lënë kush më pak e kush më shumë copa të imazhit rrugëve. Por të gjithë bashkë kompaktësojnë atë bazë që sot e kanë të trullosur. PD ka nevojë gjithashtu për elita të reja dhe të besueshme?, ka shkruar Gjekmarkaj.

Sipas tij triumfi i banalitetit është sot fataliteti i saj.

?Këso ndodhish, një hapje që kthen demokracinë e brendshme si dhe vota e lirë, mbetën i vetmi shteg për t?i dhënë vendit një opozitë dinjitoze e alternativë pushteti. Berisha ka autoritetin ta orientojë PD-në drejt votës së lirë, duke i kërkuar publikisht Lulzim Bashës të dorëhiqet pa i mohuar të drejtën për të rikandiduar në një proces rithemelimi me garanci të qarta.

Sali Berisha në këtë mënyrë do të befasonte kundërshtarët e shumtë, mbështetësit po kaq duke u dhënë leksionin se gabimet e veta nuk do ua lërë si testament pagabueshmërie pasardhësve të tij.

A ka dëshirë ai të kujtohet si një revizionist i madh? Druajmë se jo, mbase si i pagabueshëm po. Basha edhe mund të fitojë e nëse ndodh, së paku atyre që ka brenda gardhit, u heq alibinë, për të tjerët i duhet mund. Nëse PD s?kalon kësaj hulli, do të mbetet objekt i telenovelës mediatike, pa mundësi ringritje, si një pre e përditshme për gjuetaret e qeverisë. Nëse do duhej një përkufizim për gjendjen e PD-së së sotme, mund të thuhet se ajo është ashtu siç e dëshiron Edi Rama?, shkruan më tej Gjekmarkaj.

Sipas, tij, nëse qëllimi i të djathtëve është t?i japin kënaqësi Kryeministrit, le te vazhdojnë me retorikën e deritanishme, me të njëjtat gjeste, fytyra e qëndrime politike, duke brohoritur njëzëri: ?Padishah, çok jasha si Lulzim Basha djalë nuk ka!?

?I pari kangës majë krahu duhet t?ia marrë Sali Berisha. PD e privatizuar nuk meriton të quhet opozitë cilësore. Të na i kursejnë moralizmat. Vetëm një opozitë aset publik mund ta mundë një qeveri të privatizuar?, analizon Gjekmarkaj./CNA.al

 





Lajmet e fundit nga