web counter
LEXO PA REKLAMA!

SHKARKO APP

App Store
Google Play

Avionë luftarak mbi Luginën e Preshevës/ Berisha: Akt terrori... Qëndroni të palëkundur!

28 Mars 2018, 18:37, Aktualitet CNA

Ish-kryeministri Sali Berisha, ka reaguar pas raportimeve të disa medieve lidhur me fluturimin e avionëve luftarakë serbë mbi Luginën e Preshevës, si provokim ndaj Kosovës pas arrestimit e më pas deportimit të Drejtorit të Zyrës për Kosovën, pranë qeverisë serbe Marko Gjuriç.

Me anë të një postimi në rrjetet sociale, Berisha e ka quajtur terror hakmarrës primitiv atë që ka ndodhur në Luginën e Preshevës.

“Terror hakmarres primitiv i Beogradit ndaj shqiptareve te Presheves per arrestimin e provokatorit Gjuriç!

Te dashur miq, ne nje perpjekje te hapur konflikti Presidenti i Serbise, pas provokacionit te ulet, dergimit ilegal ne Mitrovice te ultranacionalistit Gjuriç dhe arrestimit te ligjshem te ketij vagabondi politik nga policia e Kosoves, shpalosi sot skenarin e konfliktit ne Presheve.”, – shkruan Berisha.

Në vijim ai shprehet: “Ne nje akt terrorizimi te popullates civile shqiptare te Lugines se Presheves, ai zhvilloi stervitje ajrore me fluturime te ulta te avioneve ushtarake, duke shkelur ne menyre flagrante marreveshjen e NATOs me Beogradin per Luginen e Presheves.”

Në përfundim duke dënuar këtë akt, të cilin e quan si akt terrori nga Beogradi me qëllime destabilizuese, u bën thirrje qytetarëve të Preshevës të qëndrojnë të palëkundur në votrat e tyre.

“Duke denuar me ashpersine me te madhe kete akt terrori te vertet te Beogradit ndaj shqiptareve te Lugines se Presheves, me synime te qarta destabilizuese, u bej thirrje shqiptareve te Presheves te qendrojne te palekundur ne votrat e tyre pavaresisht nga provokacionet e turpshme te Beogradit, qe pashmangshem do te kene fatin e te gjitha akteve te tyre te verbta, ultranavionaliste te meparshme!

Shikoni videon e aktit banditesk te terrorit serb. sb”, – shkruan ish-kryeministri Sali Berisha. /CNA.al





Lajmet e fundit nga