web counter
LEXO PA REKLAMA!

SHKARKO APP

App Store
Google Play

E fundit!

x

Kastriot Dervishi tregon detajet e vendosjes së dinamitit ndaj Stalinit në Tiranë

28 Mars 2018, 17:22, Aktualitet CNA

Histriani Kastriot Dervishi, ka vijuar me publikimet e dokumenteve historike, që pataqesin pjesë të realitetit të kohës së komunizmit.

Në një postim në rrjetet sociale, Dervishi ka shkruar për vendosjen e një sasie dinamiti, në shtatoren e Stalinit, përballë Galerisë së Arteve në Tiranë, më 28.3.1990.

Më tej Dervishi ka treguar se si ka vijuar aksioni i policisë për gjetjen e autorit.

Statusi i plotë:

1990/Dinamiti ndaj Stalinit në Tiranë

Në orën 20.30 të datës 28.3.1990 ndaj shtatores së Stalinit përballë Galerisë së Arteve Figurave në Tiranë u hodh një sasi dinamiti. Ngaqë autori i këtij akti, Bujar Nallbani, veproi i vetëm me nipin e tij në këtë aksion, ngjarja mbeti pa autor. Nallbani ishte afër godinës së Lidhjes së Shkrimtarëve kur dëgjoi shpërthimin.

Si në rastin e dinamitit në legatën sovjetike të vitit 1951, organet e Sigurimit vepruan me të njëjtën metodologji, ndaluan 247 persona nga radhët ?e elementëve në përpunim e të evidencuar si kontingjent armik me rrezikshmëri? (asnjëri nuk kishte lidhje me ngjarjen), si dhe kryen 453 takime me agjenturën. Në dallim nga rasti i vitit 1951, kjo herë nuk pati ekzekutime.
Shtatoret e Stalinit u hoqën, sipas një skenari stalinist në orën 24.00 të 21 dhjetorit 1990. /CNA.al





Lajmet e fundit nga