E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Haradinaj bën fakt të kryer lëvizjen e lirë të kosovarëve

24 Mars 2018, 18:26, Aktualitet CNA

Megjithse ratifkimimi i Marrëveshjes së kufirit Kosovë-Mali i Zi ishte një nga pikat e vendosura nga BE për liberalizimin e vizave, me miratimin e kësaj Marrëveshje në Kuvend, dy ditë më parë, kryeministri i Kosovës, Ramush Haradinaj e ka bërë fakt të kryer.

Në një deklarim të sotëmm sikurse raporton “Zeri,info”, Haradinaj ka thenë se pas tri vjet rrethimi kosovarët kanë arritur të fitojnë të drejtën për të lëvizur lirshëm, por edhe për të ruajtur të drejtën për Çakorr, Kullë, ashtu siç ka qenë më herët.

?E gjithë bota ka lëvizur lirshëm, e gjithë Evropa, fqinjët tanë, vetëm ne të rrethuar. Për ta qarë atë rrethim, kam parë njerëzit e mi duke pritur para ambasadave dhe më ka ardhur keq dhe nuk kam dashur që ta hapë rrethimin sikur në kohërat e vështira kur e kishim popullin civil me ne e me e humb luftën. I kemi rënë të tëra rrugët. Kemi shkuar nëpër miq, kemi folur ndërmjet vete, sikur vëllezër që jemi të këtij vendi, që edhe me e çlirua njeriun tënd, pra me fitua të drejtën me lëviz lirshëm, por edhe e ruajtur të drejtën në tokën tonë, e me e ruajt të drejtën për Çakorr, Kullë, ashtu siç ka qenë më herët. Kjo nuk është bërë duke mashtruar askënd, as vendorët as ata të jashtëm. Edhe Mali i Zi edhe ne, i kemi ndarë drejtimet dhe ato janë euroatlantike dhe dëshirojmë të hymë në Evropë, në NATO. Mali i Zi ka hyrë në NATO dhe është në të mirën tonë, shqiptarëve, Shqipëria është në NATO dhe e dhe ne kemi për të hyrë në NATO?, ka thënë ai në manifestimin qendror të epopesë së Dukagjinit, e cila u mbajt në Gllogjan.

Por kryeministri Haradinaj nuk është i besueshëm në këtë deklarim pasi ratifikimi i Demarkacionit është një nga pikat që duhej përmbushur, kurse sfida e sfidave për të merituar liberalzimin mbetet lufta ndaj korrupsionit. Gjë që e kanë përcjellë edhe përfaqësues të lartë të BE-së, të cilët e uruan idershipin për Marëveshjen me Malin e Zi./CNA.al