web counter
LEXO PA REKLAMA!

SHKARKO APP

App Store
Google Play

Arsimi drejt humnerës/ Ministrja Nikolla, vëmendje eksperiencave seksuale  

24 Mars 2018, 09:28, Aktualitet CNA

Konfederata e Sindikatave të Shqipërisë ka reaguar pas publikimit në media të fushatës nga komuniteti LGBTI, të cilët zhvillonin orë edukative në disa gimnaze të Tiranës.

Sipas Konfederatës, Ministria e Arsimit të mos merret me eksperiencat e përfaqësuesve të LGBT, por me problemet që sot përballet arsimi.

?Projekti i Ministrisë së Arsimit në bashkëpunim me komunitetin LGBT, që përfaqësues të këtij komuniteti të mbajnë leksione në shkollat publike  të vendit kundër bulizmit është një skandal.
Nuk ka asnjë arsye që fëmijët shqiptarë të njihen me eksperiencat e përfaqësuesve të LGBT, pasi preferenca seksuale e këtyre te fundit është zgjidhje e tyre e jo hall i brezit të ardhshëm?, thuhet në reagimin e Konfederatave.

Sipas kësaj sindikate, në një kohë që Arsimi Shqiptar përballet me probleme të shumta siç është mungesa e kontratave kolektive, rryshfetet për një vend punë si mësues,infrastrukturë që lë për të dëshiruar dhe siguri në kushte minimale në shkolla  është krejt anormale që tani Ministria e Arsimit të gjejë kohë të merret me diskriminimin  ndaj pjesëtarëve të komunitetit LGBT.

?Konfederata e Sindikatave të Shqipërisë i kërkon Ministrisë së Arsimit të mos merret me projekte  të OJF-ve por të  ulet e të trajtojë me seriozitet  problemet emergjente më të cilat përballet sot arsimi shqiptar, të cilat janë jo të pakta.

Projektet e OJF-ve në mbrojtje të komunitetit LGBT janë afatshkurtra, ndërsa nëse nuk trajtojmë me seriozitet problemet reale me të cilat përballet sot arsimi shqiptar atëherë shoqëria jonë do përballet me fenomene negative afatgjata?, përfundon reagimi i Konfederatës së Sindikatave të Shqipërisë./CNA.al

 

 

 

 





Lajmet e fundit nga