web counter
LEXO PA REKLAMA!

SHKARKO APP

App Store
Google Play

Ratifikimi i Demarkacionit/ Sherr në Kuvend midis VV-së dhe Kryeministrit

23 Mars 2018, 17:53, Aktualitet CNA

Edhe seanca e sotme, e cila është duke vazhduar ende, nuk ka shpëtuar pa përplasje, akuza e kundërakuza mes deputetëve, ndonëse sakaq ligji për kufirin Kosovë-Maqedoni është ratifikuar.

Sikurse raportonjnë mediat kosovare, një përplasje e fortë verbale ka ndodhur para pak minutash mes kryeministrit të Kosovës, Ramush Haradinaj dhe deputetit të Lëvizjes Vetëvendosje, Rexhep Selimi.

Ky i fundit gjatë fjalës së tij ka kritikuar Kryeministrin dhe koalicionin qeverisës për falje të tokës Malit të Zi, duke konsideruar se rruga deri në Mal të Zi është shkurtuar për shumë kilometra.

?Një gjë dua ta them, që është evidente që pas marrëveshjes së pardjeshme, rruga për në Mal të Zi është shkurtuar për disa kilometra. Nëse dikush është gëzuar, janë ata që duartrokitnin dhe u përqafën?, deklaroi Selimi.

Menjëherë pas kësaj, ka reaguar shefi i ekzekutivit, i cili Selimin e quajti edhe të mençur, por edhe rrenc njëkohësisht.

?S?ka gjë më keq kur njerëzit e një shtëpie folin për diçka që mund ta nreqin, nuk është në rregull. Ka diçka që është shumë interesant, që dua t?ua them: Rexha është djalë shumë i mençur. Prej se ja ka nisur lëvizjes për liri, asnjë therrë nuk i ka hi. Ka pshtu vet, edhe pas lufte ka pshtu mirë. Ti po thu që për pak ditë pushtet e kam shitur tokën, ti je rrenc i madh. Ti ke qëndruar nëpër Shqipëri, je shëtitë në 15 katëshe. Ti e di që nuk është ashtu. Ti je ka e bën atë për pak vota?, ka deklaruar Haradinaj, i cituar nga “zeri.info”.

Pas kësaj nuk qëndroi duarkryq as Selimi. Ai gjatë replikës tha se ai me të vërtetë është i mençur, për faktin që siç u shpreh Selimi, nuk e ka votuar qeverinë aktuale…





Lajmet e fundit nga