Altina Xhoxhaj në “gjurmët” e Fatos Lulos/ Zbardhet pasuria e gjyqtares së Kushtetueses

23 Mars 2018, 15:21, Aktualitet CNA

Procesi i Vetingut ka nisur me anëtarët e Gjykatës Kushtetuese, për të vijuar më pas me anëtarët e Gjykatës së Lartë dhe Prokurorin e Përgjithshëm, dhe për të përfunduar me krerët e gjykatave dhe prokurorive në të gjithë vendin.

Paraprakisht në kuadër të procesit të vetingut, ILDKPKI ka hartuar listën e prokurorëve e gjyqtarëve dhe më tej ka identifikuar gjithë familjarët e tyre, fëmijët e bashkëshortët në dokument.

Ndërkohë, Komisioni i Pavarur i Kualifikimit ka përzgjedhur 36 gjyqtarë dhe prokurorë në të gjitha institucionet gjyqësore të vendit.
Procesi i rivlerësimit të gjyqtarëve dhe prokurorëve kryhet mbi bazën e tre kritereve, të pasurisë, kontrolli i figurës dhe vlerësimi i aftësive profesionale.

I pari që kaloi në filtrin e Vetingut dhe që u ?dogj?, nga KPK ?ja, ishte gjyqtari i Kushtetueses, Fatos Lulo.

KPK vendosi që Lulo, të shkarkohet nga Gjykata Kushtetuese, pasi nuk justifikonte dot 480 mijë dollarë dhe shtëpinë në Kanada.

Pas Lulos, një tjetër gjyqtare e Kushtetues, që do të dalë para KPK ?së. Altina Xhoxhaj është gjyqtarja e radhës që do t?i nënshtrohet Vetingut.

Të dhënat e analizuara Open Spending Albania tregojnë gjyqtarja Altina Xhoxhaj, përgjatë vitit 2014 ka deklaruar një pasuri rreth 10 milionë lekë, duke llogaritur këtu dhe të ardhurat e familjes.

Xhoxhaj, ka deklaruar të ardhura nga paga si anëtare e Gjykatës Kushtetuese, 1 894 950 lekë, të ardhura si pedagoge e jashtme në Shkollën e Magjistraturës, 112 500 lekë, të ardhura si trajnuese, projekti i BERZH-it për trajnimin e gjyqtarëve, 1 500 euro, të ardhura nga qiraja e apartamentit në Tiranë, 3780 euro, kontrata e lidhur më 1 nëntor 2013, rifreskuar më 1 nëntor 2014 si dhe kursime nga të ardhurat nga paga e vitit 2014, 1 100 000 lekë.

Gjithashtu ajo ka deklaruar të ardhurat e bashkëjetuesit Arben Idrizi, nga paga si sekretar i Përgjithshëm në institucionin e Presidentit të Republikës, 1 490 880 lekë si dhe shërbime jashtë vendit në funksionin e sekretarit të Përgjithshëm, 1 885 dollarë.

Ndërsa në vitin 2015 ka deklaruar, llogari rrjedhëse plus depozitë dhe kartë krediti, 9 mijë USD, të ardhura nga paga si anëtare e Gjykatës Kushtetuese, 1,874,538 lekë, të ardhura si pedagoge e jashtme në Shkollën e Magjistraturës, 79,687, të ardhura nga kontrata e qerasë së apartamentit, 4 200 euro si dhe dy llogari kursimi me nga 2 mijë USD.

Bashkëjetuesi, i saj ka deklaruar të ardhura nga 2 paga, nga ISSH dhe si pagën si sekretar i Përgjithshëm i Presidentit, Arben Idrizi, 567,000 lekë dhe të ardhura si këshilltar i Misionit të Shqipërisë në OKB, 5,379 USD.

Ndërsa në vitin 2016, sipas formularëve të deklarimit të pasurisë të siguruara nga CNA.al, Xhoxhaj ka deklaruar, llogari rrjedhëse, kursime Cash të deklaruara në vite, depozituar më datë 16.12.2016 në shumën 1.000.000 lekë, të ardhura nga paga si anëtare e Gjykatës Kushtetuese, në vlerën 1.861.308 lekë, të ardhura nga shkolla e magjistraturës si pedagoge në vlerën 72.470 lekë, të ardhura nga kontrata e qirasë së një apartamenti, rifreskuar para noterit me datë 24.10.2016 në vlerën 3.655 euro.

Më tej ajo ka deklaruar të ardhurat e bashkëjetuesit që vijnë nga paga si këshilltar në misionin e Republikës së Shqipërisë në OKB, Nju Jork, në vlerën 17.029 dollarë.

Gjithashtu në emër të bashkëjetuesit është deklaruar dhe llogaria rrjedhëse në shumën 5.767 dollarë të kursyera, shtuar në datat 20.04.2016 dhe 25.08.2016.

Xhoxhaj prej vitit 1995 ka ushtruar detyrën e gjyqtares në Gjykatën e Rrethit Gjyqësor, Tiranë.

Gjatë viteve 2006-2010 ka qenë anëtare e Këshillit të Lartë të Drejtësisë. Në periudhën 1995-2000 ka qenë pedagoge e jashtme në Fakultetin e Drejtësisë dhe atë të Ekonomisë të Universitetit të Tiranës. Prej vitit 2003 ushtron mësimdhënien në Shkollën e Magjistraturës në lëndën ?E drejta Tregtare? si dhe është eksperte e trajnimit vazhdues për gjyqtarë. Në muajin Maj të vitit 2010 është emëruar anëtare e Gjykatës Kushtetuese./CNA.al