E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

‘Më fejuan 8 vjeç me dikë që do më përdhunonte çdo natë’

23 Mars 2018, 15:30, Lifestyle CNA

?I pyeta dhe m?u përgjigjën shkurt: ?Po, kemi biseduar dhe tani je e fejuar.? Isha vetëm 8 vjeç, ende në shkollë fillore në Queens, New York. Shkoja në shkollë e shokuar çdo ditë, pyesja veten se si mundën ta bënin, si mund një prind t?ia bëjë këtë gjë fëmijës.

Kur isha 13 vjeç, babai më dërgoi në Pakistan që të bëja ?nikah? (martesë sipas riteve islame) dhe ndërkohë bënte gati procedurat e nevojshme në mënyrë që burri që më kishin caktuar të vinte në Amerikë. Mbaj mend që firmosja letra pafund. Kur mbusha 14, mund të martohesha nëse prindërit jepnin aprovimin e tyre pasi 25 shtete në Amerikë s’kanë moshë minimale për martesë.

E thashë, s?mund ta pranoja. Vazhdoja të rebelohesha. Madje nisa të dilja me një djalë që më pëlqente, por për pak kohë, sepse më pas më dërguan me dhunë në Pakistan, ku do të niste martesa ime e tmerrshme.

5 janar 2005, vetëm 15 vjeçe! Ishte dita më e tmerrshme e jetës sime. Ndihesha e mjeruar, e pashpresë. Vendosa një jastëk në mes të krevatit; s?doja kurrsesi ta prekja atë njeri. Me pak fjalë, kisha jetën e një skllaveje.

Më duhej të gatuaja për të, për familjen e tij, t?i hiqja këpucët, çorapet. Por unë isha amerikane, unë isha rritur në New York, unë s?isha krijuar për një jetë të tillë. Një ditë u përpoqa të arratisesha, doja të shkoja në Ambasadën Amerikane në Islamabad, por më kapën pak para se të mbërrija. E çfarë bëri ai? Më rrahu përpara gjithë familjes, para babait dhe mamasë sime, më tërhoqi zvarrë prej flokësh gjatë gjithë shtëpisë. Ende në kokë kam pjesë ku flokët s?më kanë mbirë më kurrë që prej asaj dite. Më gjuante vazhdimisht në kokë, ai dhe babai im gjithashtu, derisa nuk pashë më asgjë.

Ishte një monstër, që s?u mjaftua me gjithë shenjat që më la kudo në trup, por në darkë më përdhunoi, siç kishte bërë vazhdimisht. Një ditë më ra në dorë një telefon, me anë të së cilit njoftova autoritetet amerikane të Mbrojtes së të Drejtave të Fëmijëve.?

Ishte ky rrëfimi (i përshtatur) për The Sun i Naila Amin-it, e cila momentalisht, 28 vjeç, ka fondacionin e saj The Naila Amin Foundation në mbrojte të fëmijëve viktimë e martesave të tilla. Rasti i saj u bë publik në vazhdën e disa artikujve te tjerë publikuar mbi këtë çështje shqetësuese – martesat e famijëve janë të ligjshme në 50 shtete dhe mbi 207 mijë fëmijë janë martuar në Shtetet e Bashkuara të Amerikës gjatë vitit 2000-2015.

?Do doja shumë që ligjet të ndryshonin. Ne këtu në Amerikë po nisim njerëz në Hënë çdo ditë, por martesat e fëmijëve s?po i ndalojmë dot,? shton Naila./CNA