Mashtrimet nga konkurset: Markat nuk i japin kurrë dhuratat!

22 Mars 2018, 09:10, Kuriozitete CNA

Blerësit po joshen duke marrë pjesë në konkurse për të fituar çmime, që nuk janë shpërndarë pothuajse kurrë.

Një hetim i ?Money Mail? arriti të zbulojë se, markat e mirënjohura në Britani, si patatinat ?McCain? dhe jogurti ?Onken?, po gjejnë një mënyrë për të refuzuar dhënien e shpërblimeve, e cila është e shkruar në paketimet e tyre me germa shumë të vogla.

Në termat dhe kushtet e disa konkurseve, thuhet se kompania mund t?i dorëzojë të gjitha çmimet, vetëm nëse çdo kod promocional i produkteve të tij futet në faqen e internetit të konkursit.

Kjo do të thotë që, nëse vetëm një klient nuk arrin të hyjë në konkurs, disa nga shpërblimet nuk do të jepen.

Disa kompani japin vetëm shpërblime nëse marrin regjistrime vetëm në një moment të caktuar të ditës, të përcaktuar nga një algoritëm kompjuterik.

Në rastet më të këqija, këto taktika rezultojnë në dhënien e më pak se 1 në 100 prej çmimeve të reklamuara.

?Money Mail? zbuloi se, shanset për të fituar janë aq të pakta, sa që disa firma nuk japin fare çmimin, por nxjerrin politika të sigurimit që paguajnë, nëse zgjidhet një fitues.

Marc Gander, i Grupit të Veprimit për Konsumatorët, thotë: ?Është fyese që këtyre kompanive u lejohet t?u marrin mendjen konsumatorëve, duke u premtuar shpërblime, që nuk keni thuajse asnjë shans për t?i fituar?.

?McCain? zhvilloi një konkurs gjatë vitit të fundit, ku premtoi 28,515 shpërblime. Mes tyre përfshiheshin 10 makina Mini Countryman dhe mijëra kupona për trajtime SPA dhe pushime.

Konsumatorët duhet të futnin një kod nga paketat e patateve në një faqe interneti dhe të plotësonin formularët me adresën e tyre të postës elektronike.

Një listë e fituesve të publikuar pas përfundimit të garës më 31 janar, zbuloi se vetëm 160 njerëz morën kupona. Nuk kishte asnjë fitues të makinave Mini. Në total, u dhanë vetëm 0.56% e çmimeve.

Firma u mbështet te një shkrim në paketim, i cili deklaronte që edhe pse çmimet ishin ?në dispozicion?, ato nuk ishin ?të garantuara? që do të jepeshin.

Firma të tilla mund të japin ligjërisht sa më pak çmime që ata duan.

Firma e jogurtit ?Onken? reklamoi një konkurs për 50,000 miksera ushqimor, që u zhvillua vitin e kaluar.

Gjithçka që duhej të bëhej ishte të futej një kod i produktit ushqimor në një faqe interneti. Numri i shpërblimeve do të varej nga numri i njerëzve që do të merrnin pjesë. Vetëm 400 miksera ushqimor u dhanë nga 50.000 që ishin premtuar, pra 0.8% e shpërblimit të ofruar.

Një zëdhënës i ?Onken? tha për ?Daily Mail?: ?Numri i shpërblimeve të dhëna u përcaktua nga numri i njerëzve që morën pjesë. Nëse do të vendosej çdo kod i produktit ushqimor, do të përmbusheshin të gjitha, 50.000 çmimet. Ashtu si të gjitha promovimet dhe garat tona, ky promovim është në përputhje me ligjin?.

Nëse po shkruajmë për Britaninë e Madhe, sa informacion ka në Shqipëri për mashtrimet që u bëhen konsumatorëve lidhur me shpërblimet? Në vendin tonë nuk ka një survejim të asaj çfarë ndodh kur blerësve u premtohen shpërblime dhe shkeljet nuk mund të përjashtohen./CNA