E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Vjedhje dhe abuzim/ 15 milionë euro me ndërtimin e Teatrit Kombëtar

21 Mars 2018, 17:17, Aktualitet CNA

Menjëherë sapo u bë publike, fakti se Teatri Kombëtar do të shembej pati një reagim të fortë në media të vetë artistëve, por edhe politikës.

Artistët ishin të parët që kundërshtuan, por në fund rezultuan të ndarë, një pjesë pro teatrit të ri dhe një pjesë kundër tij.

Dikush kërkonte të mbijetonte ekzistuesi, duke u rikonstruktuar plotësisht, dikush përkrahte idenë e një teatri të ri, jo mënyrën se si po veprohej.

Që prej muajit shkurt aktorët, ndonëse të ndarë në dy pjesë, nisën një debat të hapur me qeverinë kundër kundër shembjes së godinës ekzistuese dhe për ndërtimin e një Teatri të ri Kombëtar.

Disa nga aktorët kundërshtuan hapur projektin e Teatrit të ri Kombëtar prezantuar nga kryeministri Edi Rama, projekt i cili ishte vjedhje e një arkitektes ukrainase, Ira Miroshnkova.

Gjatë prezantimit shumë prej zërave kritikë nuk ishin thirrur, pasi ata kishin nënvizuar, se ishin kundër bashkëpunimit Publik- Privat për ndërtimin e Teatrit.

Por, pavarësisht reagimit të tyre, pro dhe kundër, është vendosur që teatri i ri të ndërtohej ashtu siç ishte planifikuar.

I gjithë debati që u zhvillua me artistëve dhe qeverisë rezultoi një flluskë sapuni, pasi me ndërtimi e teatrit të ri, një tjetër skandal që lidhet me koston e ndërtimit, ka dalë në dritë.

Vlerësimi i kostos së ndërtimit të godinës së teatrit, duket se është fryrë duke tejkaluar vlerën reale me qëllim justifikimin e truallin publik që do t?i jepet privatit.

Ndërtimet më cilësore në Tiranë nuk kanë kosto më shumë 600-700 euro metri katror.

Çfarëdo kostoje që llogarit Rama dhe Veliaj, vlera nuk mund të jetë pesë apo gjashtë herë më shumë, se sa vlera që merr një ndërtim në zonën e bllokut apo tek liqeni, për shkak të kostos së lartë që shkon shkon 40 -50 përqind.

Në rastin aktual trualli ku po ndërtohet teatri dhe pjesa tjetër e kullave është pronë e shtetit dhe do i falet privatit nga ligji që do të shkojë në Qeveri.

Shteti është vetë pronari i truallit të Teatrit, pra nuk ka kosto pronarësh dhe me çfarëdo lloj llogarie, del se Teatri Kombëtar, koston e ndërtimit nuk e ka më shumë se 10 milion euro.

Në rast, se do të fusim këtu edhe 5 milion euro të tjera investim specifik për sallën, foninë, stolat, arredimin, e të tjerë, Teatri Kombëtar do të ndërtohej me gjysmën e vlerës që ka parashikuar Rama dhe Veliaj.

Me koncesionin, që pritet së shpejti të shkojë si ligj në Parlament Kryeministri i Shqipërisë dhe Kryebashkiaku i Tiranës lajnë duart si Ponç Pilati.

Teatri do të ndërtohet në një sipërfaqe totale prej disa mijë metra katrorë, sipas kryeministrit Rama, i cili ka folur për godinën e re të Teatrit, në datën 12 mars 2008, kur prezantoi projektin.

?Ne kemi bërë për teatrin aq sa kemi pasur mundësi, por kemi bërë më shumë se të gjitha vitet e marra së bashku. Nga 3000 metra katror rrënoja do të kemi 9 mijë metra katror. Nga 1 sallë do të kemi 4 salla për shfaqje?.

Në fakt edhe prezantimi i projektit ishte një skandal më vete, pasi u paraqit vetëm maketi i godinës së re të teatrit dhe gjashtë apo shtatë kullat përqark u mbajtën të fshehura.

Kryeministri na ka dhënë sipërfaqen e ndërtimit, kryebashkiaku i Tiranës Erion Veliaj, tha se godina e re e Teatrit Kombëtar mund të kapë vlerën e 30 milionë eurove.

Do të ndërtohet në 9 mijë metra katrorë, por Teatri do të ?falë? edhe një pjesë të konsiderueshme trualli për koncesionarin, ku do të ndërtohen kulla. Kjo do ti përkasë një tjetër investigimi nga ana jonë.

Pronësia truallit do të tjetërsohet nga shtet në privat. Ky është një akt tjetër korruptiv. Pas teatrit, janë planifikuar të ndërtohen 6 kulla.

Kemi teatër me kosto dy herë më të shtrenjtë, afërsisht 15 milion euro abuzim.

Kemi tokë të falur, kulla dhe pa asnjë diskutim korrupsion të prodhuar nga çmimet si dhe korrupsion marramendës në një investim si koncesion partneritet publiko- publik.

Llogaritjet tregojnë vlera të frikshme, qindra-milionë euro.

Çdo akuzë drejtuar kryeministrit dhe kryebashkiakut mund të binin poshtë, në rast se gjithçka do të bëhej me një procedure transparente.

Detajet dhe faktet të përmendura më sipër, tregojnë një abuzim skandaloz dhe korrupsion të hapur në sytë e publikut./CNA.al