web counter
LEXO PA REKLAMA!

SHKARKO APP

App Store
Google Play

Arrestimi i kryebashkiakut të Lezhës/ Zbardhen të tjera detaje

16 Mars 2018, 12:22, Kronika CNA

Paraditen e sotme policia ka arrestuar kryebashkiakun e Lezhës, Fran Frrokaj, i cili akuzohet për shpërdorim të detyrës.

Kryebashkiaku Frrokaj, përfaqësues i PD-së që u zgjodh në vitin 2015, akuzohet për ?shpërdorim detyre?, pasi ka dyshime se ka tjetërsuar prona tek ?Rana e Hedhun?. Gjithashtu, është arrestuar edhe nënkryetari i Bashkisë Enver Hafizaj, kreu i Hipotekës Gjelina Bacaj si dhe dy juristët Eduard Lekaj e Armando Dakaj.

Shoqërimi i tyre ka ndodhur rreth orës 12:30, ku agjentë të Krimit Ekonomik janë paraqitur në Bashkinë e Lezhës. Po ashtu mësohet se Gjykata ka firmosur masën ?arrest me burg? në mungesë për kryebashkiakun.

Burimet bëjnë të ditur se Gjykata e Lezhës ka lëshuar 23 urdhër arreste që lidhen me abuzimet e pronave në këtë qark, ku vetëm 8 prej këtyre masave janë ekzekutuar, mes tyre kryebashkiaku i Lezhës, Fran Frrokaj.

Mes të tjerash Gjykata vendosi sekuestro preventive për dy prona me sipërfaqe 25.146 m² dhe 13.730 m².

Deri më tani nuk dihet roli i saktë i kryebashkiakut Frrokaj në çështjen e abuzimit me pronat, ndërsa gjithçka mbetet për t?u përcaktuar në vijim.

Pak kohë më parë ishte ministri i Brendshëm, Fatmir Xhafaj i cili u shpreh se me pronat në Lezhë është bërë krim.

Edhe në Lezhë ka ndodhur e njëjta skema abuzimi me pronat, duke falsifikuar dokumentet dhe kthyer tokat ranishte në toka bujqësore me pronar dhe mbi to ndërtoheshin biznese të ndryshme, lokale, hotele dhe shtëpi banimi.

Të përfshirë në këtë skemë dyshohet se janë të përfshirë edhe punonjës të Prefekturës dhe Hipotekave. / CNA.al





Lajmet e fundit nga