web counter
LEXO PA REKLAMA!

SHKARKO APP

App Store
Google Play

Rama batuta me gazetarët/ “Zgjohuni nga ëndërrat, ju sugjeroj…”

13 Mars 2018, 12:33, Politikë CNA

Gjatë një konference për mediat nga qyteti i Elbasanit, ku prezantoi një sërë vendimesh të kabinetit të qeverisë, kryeministri Rama sërish nuk i ka kursyer batutat ndaj gazetarëve.

Rama ju ka sugjeruar gazetarëve që të zgjohen nga ëndërrat dhe pastaj të pyesin.

Fillimisht ai është pyetur nëse do të ketë arrestime të bujshme.

?Unë nuk kam lajmëruar asnjë arrestim të bujshëm, nuk arrestoj njerëz. Kur të zgjoheni nga ëndërra, ku më keni parë të bëj lajmërime për arrestime të bujshme, bëjmë bashkë një konferencë shtypi?, ka thënë Rama.

E njëjta ka qenë përgjigjja e kryeministrit, ndërsa është pyetur për rekrutimet në administratë.

Zoti kryeministër këtë mandat të dytë neve ju kemi parë të ndiqni me vëmendje rekrutimet në administratë dhe kryesisht drejtuesit e institucioneve. A mund të na thoni çfarë mënyrë rekrutimi keni përdorur për ish-deputetin e Partisë Demokratike, Mhill Fufi i cili sot është drejtori i transporteve në Laç?

?Ju më keni parë mua duke ndjekur rekrutimet, por me keni parë në ndonjë ëndërr unë nuk e bëj këtë. Duke qenë se është kohë e freskët me shi, unë ju sugjeroj një ecje me shi për t ju dalë gjumi?, është përgjigjur Rama./ CNA.al





Lajmet e fundit nga