web counter
LEXO PA REKLAMA!

SHKARKO APP

App Store
Google Play

Nga koka te këmbët: Si të kujdesesh për lëkurën në pranverë

3 Mars 2018, 16:30, Lifestyle CNA

Po hymë në stinën e pranverës dhe është e nevojshme të kujdeseni për lëkurën tuaj pas ndryshimeve të klimës. Me ndryshimin e motit, duhet të ndryshoni edhe rutinën tuaj ditore të kujdesit ndaj lëkurës.

Në dimër femrat tentojnë të përdorin hidratues më të rëndë dhe produkte make-up-i në mënyrë që të ushqejnë lëkurën. Por nëse aplikoni po të njëjtët produkte dhe në verë, lëkura juaj do të bëhet më e yndyrshme. Pra, kur moti fillon të ngrohet pak, është e këshillueshme të përdorni një krem hidratues më të lehtë dhe me më pak vajra.

Me ardhjen e pranverës lëkura bëhet pak e yndyrshme, ndaj duhet të kujdeseni pak më shumë me mënyrën se si e pastroni atë në mëngjes. Zgjidhni me kujdes një produkt të mirë për pastrimin e thellë të lëkurës dhe me veti ushqyese për pastrimin e lëkurës. 1-2 herë në javë përdorni një produkt eksfoliues për të pastruar qelizat e vdekura.

Shumë gra harrojnë të vendosin krem sysh. Por ky produkt është i domosdoshëm për gratë në të gjitha moshat. Në pranverë, nëse nuk përdorni krem sysh, sytë tuaj mund të duken të lodhur dhe rrathët e zinj bëhen më të theksuar.

Me ngrohjen e motit është e këshillueshme që të pini sa më shumë ujë të mundeni. Moti i ngrohtë e bën trupin të dehidratohet më shpejtë, gjë që reflektohet edhe në lëkurën tuaj, e cila duket pa jetë dhe e tharë. Këshillohet të pini të paktën 8 gota uji në ditë në mënyrë që ta mbani lëkurën me shkëlqim, të freskët dhe të hidratuar.

Në dimër të gjithë i neglizhojnë këmbët, duke qenë se janë një pjesë e trupit që nuk shihet nga të tjerët. Por për të veshur këpucë dhe sandale të hapura kur moti ngrohet, është mirë që këmbët të jenë të buta dhe të lëmuara. Është mirë t?i trajtoni ato me një krem me veti të thella hidratuese./CNA





Lajmet e fundit nga