Si u fut në Amerikë Melania, një modele mesatare sllovene?

3 Mars 2018, 13:06, Lifestyle CNA

Në vitin 2000, Melania Knauss, një modele sllovene e lidhur me Donald Trump, filloi t?i kërkonte qeverisë amerikane të drejtën për të banuar përjetësisht në Shtetet e Bashkuara nën një program të rezervuar për njerëzit me ?aftësi të jashtëzakonshme?.

Melania asokohe njihej për sfilimet në Europë, një reklame të Camel në New York dhe një fotosesion për Sports Illustrated.

Në mars të 2001-shit, Melania përfitoi green card prej programit elitë EB-1, i cili është dizenjuar për studiues akademikë, manaxherë biznesesh ndërkombëtarë, atletë olimpikë, aktorë fitues të Oscar-it ose njerëz të tjerë që vlerësohen botërisht. Shkurt njihet si visa e Ajnshtajnit.

Vitin që Melania mori visan e saj, vetëm pesë të tjerë nga Sllovenia patën të njëjtin fat. Nga një milion green card të lëshuara në 2001-shin, vetëm 3376 prej tyre iu dhanë njerëzve me aftësi të jashtëzakonshme.

Fakti që Melania mori green card është një faktor shumë i rëndësishëm në marrjen e shtetësisë amerikane jo vetëm për vete, por edhe për të dy prindërit. Viktor dhe Amalija Knavs janë prag të quajturit shtetas amerikanë.

Presidenti Donald Trump nga ana tjetër propozon vazhdimisht dhe me forcë eleminimin e bashkimeve familjare ose si e quan ai ?migrimin zinxhir?. Pikërisht këtë bëri gruaja e tij me prindërit e saj.

Pyetja më e rëndësishme në këtë histori është si i bindi Melania autoritetet amerikane se kualifikohej për të marrë një visa Ajnshtajni? Ekspertë të fushës pranojnë se Melania është e pakualifikuar. Aplikantët duhet të vërtetojnë se janë të suksesshëm përtej dyshimeve në artet performuese, të provojnë me fakte ekspozita tyret personale apo punë të tjera kontribuuese të fushës së tyre. Vetëm dy përqind e më të mirëve të një disipline të caktuar arrijnë të futen në Sh.B.A. me anë të kësaj vise.

Kur tanimë Zonja e Parë erdhi në New York për herë të parë, ishte një modele si gjithë të tjerat. Vetëm kur filloi të dilte përkrah manjatit të pronave të paluajtshme Trump, reputacioni i saj u rrit disi dhe filloi të shfaqej në kopertina revistash.

Pyetja mbetet ende e papërgjigjur, si shumë të tjera./CNA