web counter
LEXO PA REKLAMA!

SHKARKO APP

App Store
Google Play

Sa të rrezikshëm janë qetësuesit?

26 Shkurt 2018, 15:20, Lifestyle CNA

Studimet më të fundit kanë dalë në përfundimin se marrja e qetësuesëve rrezikon një goditje apo atak të mundshëm në zemër.

Ekspertë nga Tajvani kanë treguar si një qetësues i thjeshtë dhimbjesh mund të shkaktojë sulm fatal në zemër brenda 4 javëve.

 

Ky përfundim, i botuar në ?British Journal of Clinical Pharmacology? erdhi pas vëzhgimit të 56000 të rriturve me hipertension dhe presion të lartë gjaku, të cilët u monitoruan nga hulumtuesit e universitetit ?Yang- Ming?, Tapei.

Nën shqyrtim u morën qetësuesët ibuprofen, celecoxib, mefenamic acid, diclofenac dhe naproxen. Shumica e pacientëve nuk ishin në dijeni se qetësuesi u nxiste akoma më tej shtimin e presionit të gjakut.

Kështu u zbulua se 1 në 330 të rritur që kishte marrë ibuprofen rrezikonte atak kardiak, kurse për celecoxib- in raporti ishte më shqetësues 1 në 105. Ndërkohë shifrat e tjera regjistruan: 1 në 394 për mefenamic acid, 1 në 245 për diclofenac dhe 1 në 214 për naproxen- in.

Kush më shumë (celecoxib) e kush më pak (mefenamic), të gjithë shkaKtonin probleme të ngjashme.

?Rezultatet tona japin informacion të rëndësishëm veçanërisht për pacientët me hipertension.? tha Dr. Chia- Hsuin Chang.

Disa kardiologë kanë bërë po ashtu thirrje për mbajtjen nën kontroll të këtyre ilaçeve. Jo më larg se vitin e shkuar, prof. Gunnar Gislason nga universiteti spitalor i Danimarkës tha se qetësuesët duhet të jenë të disponueshëm vetëm në farmaci dhe të ketë kritere në shitjen e tyre.

Ai drejtoi një studim ku pa se njerëz që merrnin ibuprofen kishin 31% rrezikshmëri të një arresti kardiak./CNA





Lajmet e fundit nga