web counter
LEXO PA REKLAMA!

SHKARKO APP

App Store
Google Play

Tumori më i madh në botë/ Mjekët rrëfejnë momentet e vështira: Pacienti kishte masë tumorale në kokë që peshonte 1.8 kg

25 Shkurt 2018, 14:25, Lifestyle CNA

Mjekët në një spital në Mumbai të Indisë kanë kryer një operacioni të rrezikshëm, ku nga truri i një burri 31-vjeçar larguan një përmasë tumorale që peshon 1.87 kilogram.

Sipas mjekëve ky tumor duket të jetë më i madhi i këtij lloji, që është hequr ndonjëherë në botë.

Ndërhyrja në kokën e Santlal Pal, një pacient i shtetit të Uttar Pradesh, është kryer nga kirurgët e spitalit BYL Nair, pasi qendrat shëndetësore të dy qyteteve të tjera, Varanasi dhe Allahabad, kishin refuzuar për të vepruar, sepse ndërhyrja konsiderohej shumë e rrezikshme.

Profesor Trimurti Nadkarni, kreu i Departamentit të Neurokirurgjisë së spitalit BYL Nair , tha se ?pacienti, i shtruar në spital më 1 shkurt, dukej sikur kishte dy koka, njëra mbi tjetrën.

?Edhe enët e gjakut të kokës i ishin ndërlikuar dhe ishin zgjatur. Ai kishte dhimbje koke të vazhdueshme dhe ishte plotësisht i verbër?, tha doktori.

Një imazh i tomografisë dhe rezonancës magnetike tregoi se tumori ishte zhvilluar në të dy anët e trurit përmes eshtrave të kafkës. Operacioni, i kryer më 14 shkurt, zgjati shtatë orë dhe brenda tri ditësh, pacienti ka mbetur në kujdesin intensiv me frymëmarrje të asistuar.

Menaxherët e spitalit indian pas kontrollimit të të dhënave mjekësore, kanë konstatuar se tumori që u hoq nga truri i Pal peshon 1.87 kg dhe ka tejkaluar 1.4 kg e mëparshëm, që ishin hequr në vitin 2002 në spitalin KEM nga truri i një pacienti tjetër./CNA





Lajmet e fundit nga