web counter
LEXO PA REKLAMA!

SHKARKO APP

App Store
Google Play

Temperatura -8 gradë, këto janë ditët më të acarta që do të kalojë Shqipëria

25 Shkurt 2018, 09:17, Kronika CNA

Reshjet e shiut e të dëborës kanë nisur nga sot në një pjesë të madhe të vendit. Ato po shoqërohen me temperatura të ulëta, të cilat, sipas sinoptikanëve, kanë për t’u ulur edhe më shumë.

Sipas sinoptikanes Tanja Proja, në një prononcim për TvKlan, ulja më e madhe e temperaturave do të shënohen të mërkurën dhe të enjten, ku termometri do të shënojë deri në -8 në veri dhe verilindje të vendit.

Ndërkohë që reshjet e shiut do të vijojnë deri të mërkurën, pasi thuajse gjithë vendi do të dominohet prej tyre.

Sa për temperaturat e ulëta dhe të ftohin, duhet të bëni durim pasi do të zgjasë deri në fundjavën që vjen.

Parashikimi për acarin

Një masë e ajrit shumë të ftohtë do të zhvendoset nga Siberia drejt Rusisë duke u zgjeruar përtej Uraleve gjatë fundjavës. Ndërsa, të hënën dhe në vijim, vala e acartë shtrin ndikimin në pjesën më të madhe të kontinentit Europian duke zbritur në deri në Italinë Qendrore dhe gjithë gadishullin Ballkanik.

Me një vlerësim paraprak, pritet të jetë ngjarje e jashtëzakonshme atmosferike për shumë zona të Europës jo vetëm për faktin se do sjellë temperatura ekstremisht të ulëta në shumë qytete Europiane por më tepër për faktin se ngjarje të tilla vrojtohen rrallë në periudhat e fund-dimrit./CNA





Lajmet e fundit nga