web counter
LEXO PA REKLAMA!

SHKARKO APP

App Store
Google Play

E fundit!

x

Kthesa e frikshme e motit nis nesër, temperatura të acarta me reshje bore dhe shiu

24 Shkurt 2018, 08:24, Kronika CNA

E thotë populli prej kohës që pranvera nuk vjen me një lule, megjithëse mimozat kanë çelur dhe dëgjohen cicërimat e zogjve të pranverës, dimri ende nuk ka kaluar.

Prej ditës së nesërme (e diel) dhe deri të premten e ardhshme (2 mars), Europa do të ndikohet ndjeshëm nga rrymat ajrore siberiane.

Il meteo bën të ditur që rrymat e ftohta dhe të lagështa do shtrihen po ashtu në të gjithë Ballkanin, ku reshjet e shiut dhe të borës do jenë prezente me intensitet të lartë gjatë ditëve të përcaktuara më sipër.

Nuk bën përjashtim as Shqipëria, ku ngricat dhe i ftohti i acartë do kaplojnë gjithë territorin me përqendrim më të lartë në zonat veriore dhe veri-lindore, por nuk përjashtohen as zonat e ulëta.

Bora, shiu dhe i ftohti do shoqërojnë motin në vendin tonë duke nisur prej ditës së nesërme dhe temperaturat do shënojnë një ulje të ndjeshme.

Megjithatë, fundjava rezervon një rritje të menjëhershme të temperaturave, çka do të ndikojë në rritjen e nivelit të ujërave lumorë.

Kështu, bëhuni gati për një javë dimri në kuptimin e plotë të fjalës dhe merrni masa përgatitore paraprakisht që ky ndryshim klimaterik të mos u bjerë në befasi./CNA





Lajmet e fundit nga