web counter
LEXO PA REKLAMA!

SHKARKO APP

App Store
Google Play

E fundit!

x

Bllokuan në trafik ambulancën/ Hetim disiplinor për dy efektivët. Policia: Lajmëroni paraprakisht...

23 Shkurt 2018, 15:38, Kronika CNA

Mediat denoncuan ditën e sotme se Policia Rrugore kishte bllokuar në trafik një autoambulancë me fenelina të ndezura, e cila dukej se kishte një urgjencë, duke i dhënë kështu përparësi trupit diplomatik.

Pas kësaj ka reaguar edhe Policia e Shtetit me anë të një komunikate për shtyp, në të cilën thuhet se po bëhen verifikimet dhe një analizë e plotë e dinamikës së ngjarjes, ndërsa ndaj dy punonjësve ka nisur një hetim disiplinor.

“Lidhur me lajmin e publikuar, ku trajtohet vonesa ne kryqezim rruge e nje ambulance nga shërbimet e Policisë Rrugore, në kryqëzimin e Bulevardit ?Dëshmorët e Kombit? me Bulevardin ?Bajram Curri?, gjatë kohës që në këtë segment qarkullonte një delegacion zyrtar i nivelit të lartë, Policia mori në shqyrtim rastin si me poshte:

Paraprakisht deri në një analizë të plotë të gjithë dinamikës të ngjarjes, verifikimit nëse ambulanca ka qenë në urgjencë, detyrimeve të shërbimeve të Policisë Rrugore për rastin bazuar në Kodin Rrugor, për dy punonjësit e Policisë Rrugore në detyrë ka nisur hetimi disiplinor.”, – thuhet në deklaratë.

Më tej Policia e Shtetit thotë:

“Shërbimet e Policisë Rrugore janë të angazhuara dhe motivuara për kryerjen me profesionalizëm të detyrave që ngarkon Kodi Rrugor dhe Ligji i Policisë së Shtetit.

Por duke perfituar nga ky komunikim, gjejme rastin te rikujtojme se çdo autoritet per rastet e urgjencave duhet te njoftoje paraprakisht ne numrin e tel 112, per te koordinuar veprimet dhe lehtesuar sherbimin per qytetaret.” /CNA.al





Lajmet e fundit nga