web counter
LEXO PA REKLAMA!

SHKARKO APP

App Store
Google Play

Publikohet video e aksidentit në Maminas/ Ja çfarë thonë ekspertët

23 Shkurt 2018, 15:57, Kronika CNA

Pas aksidentit të rëndë të ndodhur në Maminas, ku një taksi si pasojë e një aksidenti ka fluturuar disa metra, duke u shkaktuar vdekjen dy personave që udhëtonin në të kanë dalë edhe pamjet e këtij aksidenti.

News24 ka siguruar pamjet nga ky aksident i rëndë i filmuar nga kamerat e sigurisë së karburantit në Maminas, në oborrin e të cilit fluturoi taksia me të cilën udhëtonin Buajr Agalliu 60-vjeç dhe pasagjerja e tij Elena Avdillari 23-vjeç.

Në videon e publikuar shihet në pak sekonda shpejtësia marramendëse me të cilën taksia është përplasur në bordurën dhe tabelën e karburantit, pas disa metrash “fluturimi”. Pamjet janë siguruar nga kamerat e brendshme të karburantit, pasi ato të jashtmet kanë qenë të fikura.

Më tej gazetarja Klodiana Haxhiaj bën me dije se hetuesit kanë përjashtuar mundësinë e një aksidenti të qëllimshëm, dhe kanë përjashtuar mundësitë e njohjes mes drejtuesit të benzit, Fatjon Zhaporja, dhe 23-vjeçares Elena Avdillari. Ekspertët mësohet se kanë prova të mjaftueshme për të dalë në konkluzionin se bëhet fjalë për një aksident të pastër, shkak i të cilit është bërë rruga e dëmtuar dhe shpejtësia e lartë me të cilën lëvizte drejtuesi i ?Benz?-it 34-vjeçari Fatjon Zhaporja. Shpejtësia e lartë ka bërë që ?Benz?-i të përplasë në parakalim taksinë, e cila ka qenë me shpejtësi më të vogël. /CNA.al

 





Lajmet e fundit nga