web counter
LEXO PA REKLAMA!

SHKARKO APP

App Store
Google Play

Skandal i Ministrisë së Arsimit/ Tre mijë mësues rrezikojnë vendin e punës

20 Shkurt 2018, 11:40, Aktualitet CNA

Tre mijë mësues, të cilët i kanë mbaruar studimet në vitet 90, në Institutet pedagogjike ?Eqerem Çabej? në Gjirokastër,  ?Aleksandër Xhuvani? në Elbasan dhe  ?Luigj Gurakuqi? në Shkodër, rrezikojnë të mbeten të papunë.

Bëhet fjalë për mësues që kanë rreth 30 vjet eksperiencë dhe që  kanë nxjerrë breza të tërë nxënësish.

Të gjithë këta mbajnë titullin ?Mësues?, por Ministria e Arsimit i ka regjistruar  me sistemin e Bolonjës, dhe tashmë  kërkon të bëjë lojë, duke i testuar apo duke përdorur ?kërcënimin? për  uljen e  pagave.

Në Ligjin numër 80/2015 për Arsimin e Lartë parashikohet,  që të gjitha diplomat e studimeve universitare, që kanë zgjatur të paktën 3 vite akademike (6 semestra) do të jenë ekuivalente me diplomat ?Bachelor?.

Ndërsa për diplomat e studimeve universitare, që kanë zgjatur 4 vite akademike, ose e thënë ndryshe, janë zhvilluar në 8 semestra, ekuivalentohen në diploma të nivelit të dytë, ?Master i Shkencave?.

Kështu mësuesve që kanë mbaruar trevjeçare nuk u njihet masteri, por me  atyre që kanë mbaruar katërvjeçaren, u quhet masteri shkencor.

Në fakt edhe me mësuesve me  trevjeçare duhej, të paktën duhej t?u njihej masteri profesional, pasi studimet e tyre kanë përfunduar para se të miratohej Ligji numër 80/2015 për Arsimin e Lartë, ashtu sikurse  ata që kanë mbaruar katërvjeçaren.

Por, Ministria e Arsimit ka zgjedhur të spekulojë në kurriz të mësuesve, pasi  për personelin mësimdhënës, që kanë mbaruar një shkollë pedagogjike ose shkollë tjetër të  profilizuar për  mësuesi, mund të bëhen trajnimeve për përditësimimin e dijeve që lidhen me profesionin, por jo mos t?u njihet masteri i nivelit të parë./CNA.al

 





Lajmet e fundit nga