web counter
LEXO PA REKLAMA!

SHKARKO APP

E fundit!

x

Krimet e Rënda i “tundin” prangat/ Haxhinasto shfaqet i tronditur para gazetarëve

19 Shkurt 2018, 13:29, Aktualitet CNA

Ish-ministri i Infrastrukturës në  Qeverinë Rama1, Edmond Haxhinasto është paraqitur sot pranë Prokurorisë së Krimeve të Rënda.

Deputeti i LSI ?së, ka dëshmuar, lidhur  me dosjen e rrugës Tiranë-Elbasan që po hetohet nga prokuroria.

Ai është marrë në pyetje nga prokurorja Elisabeta Imeraj.

Haxhinasto ka dalë i tronditur nga Krimet e Rënda dhe është mjaftuar duke thënë se është pyetur në cilësinë e personit që ka dijeni për çështjen.

?U pyeta për veprimtarinë kur isha ministër. Di që jam i pastër?, ka thënë Haxhinasto sapo ka dalë nga Prokuroria, duke injoruar më tej pyetjet e gazetarëve.

Rikujtojmë  se për dosjen e rrugës Tiranë-Elbasan është arrestuar ish-drejtori i ARRSH, Dashamir Xhika, por edhe Albens Alite dhe Aksel Qurduka, drejtori dhe ish-drejtor i Njësisë së Menaxhimit të Projektit të rrugës Tiranë-Elbasan.

Hetimet nga prokuroria nisën pas kallëzimit nga KLSH në 2016 për dëm ndaj shtetit me vlerë 54 mln euro për abuzime në rrugën Tiranë-Elbasan, por që janë ripërsëritura në një kallëzimi i dyte të ministrit Gjiknuri në 2017./CNA.al





Lajmet e fundit nga