web counter
LEXO PA REKLAMA!

SHKARKO APP

App Store
Google Play

E fundit!

x

20 shkurti/ Asnjë aktivitet zyrtar nga PD

20 Shkurt 2018, 10:46, Aktualitet CNA

Rënia e bustit të Enver Hoxhës nuk mund të harrohet,  është dita që solli përmbysjen e një sistemi, jo thjeshtë rrëzimin e një shtatoreje. Ka nga ata që ditën e 20 shkurtit të vitit 1991 ishin në shesh, filloi në Tiranë, shkoi në Shkodër, Korçë e më gjerë. Monumenti i diktatorit u tërhoq zvarrë gati tre muaj pas themelimit të Partisë Demokratike.

Megjithatë për Partinë Demokratike të Shqipërisë, është data që ka aksionin e parë të saj në përballje të fortë me mbetjet e diktaturës, pas grevës së urisë të studentëve, sot 20 shkurti nuk është asgjë për Lulzim Bashën.

Asnjë aktivitet, asnjë qëndrim zyrtar, asnjë protestë, asnjë publikim nuk është bërë nga Partia Demokratike për këtë 20 shkurt. PD fatkeqësisht nën drejtimin e Lulzim Bashës po kthehet në një parti pa histori dhe është e gatshme të njohë dhe të vlerësojë të shkuarën komuniste.

I vetmi që ka reaguar ka qënë ish-kryeministri Berisha, i cili në konferencën ?Ju flet radio?? të organizuar në kuadër të kësaj date, ka kujtuar momentin historik të rënies së komunizmit, ndërsa kreu i PD,  Lulzim Basha nuk dihet se ku është.

në parlament Luli dhe deputetët e tij qesharakë thonë bijtë e etërve kanë ardhur në pushtet, askush sot zyrtarisht nga PD nuk ka zhvilluar asnjë aktivitet për të përkujtuar këtë ngjarje të rëndësishme për Shqipërinë.

Partia Demokratike, e para parti antikomuniste dhe që shembi diktaturen ?harron? apo bën sikur, 20 shkurtin.

Basha, ndoshta duke dashur që PD-në ta kthejë në një parti liberale është gati të njohë historinë e luftës civile, diktatorin, krimet monstruoze në 45 vjet, ashtu siç ka bërë dhe me LGBT-në, përfaqësues të të cilëve i ka futur në parlament.

Nuk ka asnjë çudi në këtë rast, sepse Gramoz Ruçi, kryetari i Kuvendit, ish-ministri i fundit i komunizmit u zgjodh në krye të parlamentit shqiptar edhe me votat e deputetëve të Lulzim Bashës. Prandaj, ajo që po ndodh nuk na habit aspak.

Basha është i vendosur të mos njohë dhe të mos vlerësojë historinë e PD-së dhe gjithë peshen historike të saj në 27 vite. Ndoshta në atë kohë, Luli mbante shallin e pionerit dhe i kujtohen thirrjet e fëmijërisë ?xhaxhi Enver, xhaxhi Enver i ke dockat me sheqer, me sheqer dhe me hurma, lum partia që të ka?./ CNA.al





Lajmet e fundit nga