E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

20000 familje përjashtohen nga ndihma ekonomike/ Deputetja demokrate “kryqëzon” Qeverinë

17 Shkurt 2018, 09:52, Sociale CNA

Deputetja e Partisë Demokratike Oriola Pampuri ka reaguar për heqjen e ndihmës për qindra e qindra banorë të të gjithë vendin, të cilët jetojnë në varfëri.

?Varfëria i vetmi “sukses” i kësaj qeverie. Suksesi i një qeverie është rritja e numrit të personave që dalin nga ndihma ekonomike?, ka shkruar Pampuri në rrjetet sociale.

Sipas saj, 20000 familje janë përjashtuar nga ndihma ekonomike, ndër to 680 në Kavajë, 80 në Rrogozhinë, 700 në Kamëz e kështu me rradhë në të gjithë Shqipërinë.

?8000 familje, fëmijët e të cilave sot jetojnë me njërin prind e nuk mund të përftojnë statusin e jetimit, pasi nuk duhet t’i kenë të dy prindërit për ta përftuar atë, e përpos kësaj nuk marrin as ndihmë ekonomike.

Keqardhje ta permend, po në disa prej tyre kryefamiljari ishte vetëvrarë si pasojë e varfërisë dhe borxheve.
Sot përmendet sistemi i pikëzimit, i cili bëhet në bazë të disa kritereve të cilat as specialistët e ministrisë e as ministrja e shëndetësisë vetë nuk arriti t’i shpjegonte, sepse nuk donte.

Ky është skandali i rradhës. Kam vizituar familje prej të cilave ishte e pamundur të dilje pa lot në sy nga mjerimi në të cilin ato jetonin, por që përsëri nuk mund të plotësonin kriteret për ndihmë ekonomike?, ka shkruar më tej Pampuri.

Deputetja demokrate nënvizon faktin se ndihma ekonomike nuk është zgjidhje, por thjesht një mënyrë për të mbijetuar.

?Pasi familjet të cilat janë pjesë e kësaj skeme duhet të kenë lehtësira në energji elektrike, medikamente, shërbime shëndetësore, banesa e libra për fëmijët.

Por, këto familje duhet të paguajnë librat, energjinë, ujin, medikamentet, e shërbimet shëndetësore. Kështu ndihma ekonomike nëse përfitohet nuk del as për t?u ushqyer, e jo më për të tjerat?, ka shkruar Pamapuri, duke e ilustruar më tej situatën me një rast konkret.

?Ja ç?më shkruan një zonjë e papunë me 6 fëmijë nga Peshkopia:
“Mirdita. Me falni për shqetësimin Po s,di kujt t?i drejtohem. Edhe deputetët tanë apo ku do do ta kërkoj. nënë me 6 fëmijë më kanë heq asisistencën sot. Turpi e mbuloftë këtë shtet të ndyrë se s?u hiqet buka 6 fëmijëve. Kanë ngel me vdek vetë e fëmijët. Nuk shoh dritë me këta. S?u bie mendja ndyrësirave se po ngrijmë kam dy dit nëpër bashki, pse m?i kan heq asistencën. I ka heq Tirana, thonë. S?kam marrë pikët për asistencë ahhhh mo zotë?, ka rrëfyer Pampuri.

Sipas saj, kjo është qeveria, ky është kryeministri, i cili nuk e do këtë vend, nuk i do qytetarët e këtij vendi e po sillet me ta si të ishte armiku i tyre më i madh./CNA.al