web counter
LEXO PA REKLAMA!

SHKARKO APP

App Store
Google Play

E fundit!

x

Nëna me 3 fëmijë në kushte ekstreme/ Gazetarja bën lutje për ndihmë

16 Shkurt 2018, 15:53, Sociale CNA

Rastet ku shteti lë në mëshirë të fatit shumë qytetarë të pamundur ekonomikisht dhe jo vetëm, janë të shumta. Një rast i tillë është publikuar edhe nga gazetarja e emisionit investigativ, “Fiks Fare”, Alisa Mysliu.

Nëpërmjet një reagimi në rrjetet sociale, Alisa Mysliu, ka publikuar rastin e një nëne të divorcuar dhe me tre fëmijë në kushtet ekstreme të varfërisë. Mysliu shprehet se e ëma e fëmijëve punon si sanitare, por sërish nuk ka mundësi për të mbajtur fëmijët, pasi kishte vetëm një dhomë me qira dhe nuk kishte para për t’i ushqyer, e kësisoj i ka lënë ata në një qendër në Elbasan.

Për këtë, gazetarja ka bërë apel për ndihmë, që të mund tu ndërtohet një shtëpi e vogël, pasi fëmijët edhe në qendër janë nën trysni nga bashkëmoshatarët.

Për më shumë lexoni apelin për ndihmë të gazetares Alisa Mysliu:

Lutje per ndihme!

Te dashur miq, nje zonje qe eshte e divorcuar ka tre femije! Edhe pse punon si sanitare ajo nuk ka mundesi qe te mbaj te tre femijet e saj, jo vetem per shkak te kushteve, nje dhome me qera por edhe sepse e kish te pamundur qe ti mbushte barkun me buke. Per kete arsye dy nga femijet i ka lene ne nje qender ne Elbasan, ku shkollohen dhe ushqehen por jane nen trysni te vazhdushme nga bashkemoshataret e vet qe i shajne dhe ofendojne duke i thene qe ju jeni jetima dhe ju ka braktisur nena. Babi i femijeve nuk paguan asnje leke nga pensioni ushqimor qe duhet ti jape. Eshte i papune dhe pijanec. Nena kerkon ndihme per nje shtepi te vogel ku te jetoj dhe te marri edhe femijet e tjere bashke me te ne Tirane. Aktualisht jeton ne nje dhome me lageshtire ne zonen e Kasharit per 110 mije leke ne muaj me djalin qe e ka ne klase te trete. Por edhe nga aty i kane thene qe duhet ta liroj shtepine per 10 dite. Jo se nuk e paguan por sepse i duhet te zotit te shtepise. /CNA.al





Lajmet e fundit nga