Flasin të përjashtuarit nga Basha në Vlorë/ Zbardhet skema e spastrimeve në PD

12 Shkurt 2018, 10:25, Aktualitet CNA

Pas publikimit nga CNA (CityNews Albania) një ditë më parë, për përjashtimin e tre anëtarëve nga kryesia e PD ?së, Vlorë, menjëherë reagoi kryetari i degës, Gramoz Nazëraj.

Ky i fundit tha për CNA, se nuk ka pasur përjashtime por, zbatim vendimesh dhe analiza të përgjegjshme për situatën dhe problematikat e degës.

Në shenjë kundërshtimi ndaj kreut të PD ?së, Vlorë, Gramoz Nazëraj, ka reaguar anëtarja e përjashtuar Mirela Agaj.

Ajo në një reagim për CNA (CityNews Albania) ka thënë, se nuk është thirrur në mbledhje, por është shkarkuar pa votim, për shkak të statuseve anti-Basha që hedh në rrjetet sociale.

?As kam thënë që se bëj këtë apo atë detyrë e as jemi thirrur në mbledhje. As është hedhur ne votim shkarkimi im, por ka qenë deputetja e Vlorës e një anëtar kryesie që kanë vendosur që unë të shkarkohem, sepse hedh statuse anti-Basha në rrjete sociale. E meqë s? ka dokument as të shkruar e as me sms, ta lënë me kaq këtë gjueti shtrigash. Thjesht janë duke e shkatërruar bazën?, ka thënë Agaj.

Ndërkohë ka reaguar edhe Asqeri Bulla, i cili është akuzuar nga kreu i PD ?së Vlorës, Gramoz Nazëraj se kishte blerë vota për LSI, gjatë fushatës së fundit zgjedhore.

Ndërkaq, rezulton se gjatë fushatës zgjedhore Bulla kishte qenë në Itali, gjë që e vërteton me dokumentin e pagesës.

?Partia Demokratike dega Vlorë më në fund ka gjetur shkaqet e humbjes së thellë në zgjedhjet parlamentare 2017.

Dje në mbledhjen e kryesisë filloi gjuetia e shtrigave ndaj zërave kritik që flasin me keqardhje mbi situatën aktuale në PD, dje kanë zeruar sakrificat e mia, por jo vetëm , duke më përjashtuar pas 27 vjetësh. Me lot në sy dhe dhimbje për sakrificat e mia dhe keqardhje që PD po shkon drejt shpërbërjes në Vlorë. Jam themelues i saj që në krye të herës.

PD-ja sot është në ditët e saj më të zeza, ka filluar luftën e klaneve, bërrylash, mashtrimesh, spastrimesh me këdo që i del para në prag të zgjedhjeve të kryetarit të radhës në Vlorë?, është shprehur Bulla.

Sipas tij, deputetët Nadire Meçorapaj dhe kryetari i PD ?së, Vlorë Gramoz Nazeraj kanë marrë përsipër bashkë me disa të inkriminuar për të zgjedhur kryetarin e PD-së së radhës në Vlorë.

?Nadire dhe Gramoz, jam larg Shqipërisë prej kohësh dhe e dini shumë mirë, se nuk e kam braktisur PD, përkundrazi ajo na braktisi ne, dhe as kam bërë fushatë sikurse shpif në 2017 dhe as nuk kam ndërmend të vij për zgjedhjet e kryetarit të degës?, është shprehur më tej Bulla.

Duke ironizuar,Bulla u ka rikujtuar deputetes Meçorapaj, dhe kryedemokratit të Vlorës, Gramoz Nazëraj, rezultatet në zgjedhjet e fundit.

?Gëzuar Baftjar!

Nadire kam vetëm një pyetje: lutem më thuaj sa vota mori PD në fshatin tënd Oshtimë me QV 4425, PD 110 dhe PS 233.

Po ti Gramoz Nazeraj si dole në qendrën tënde të votimit QV 4496, mos u sikletos:

PD =60 vota dhe PS = 171 vota .

Turp dhe faqe e zezë!

Unë dhe demokratët e ndershëm kemi fituar gjithmonë në Bishan edhe në 2013, QV 4408

PD =161 dhe PS 157

Beso dhe kontrollo, shih tabelat në KQZ.

E gjithë kjo situatë në PD me kujton komedinë ?Lumturi në fukarallëk?, të estradës profesioniste të Shkodrës.

Mos u ngutni !

Merreni shtruar!?, ka përfunduar Bulla./CNA.al