web counter
LEXO PA REKLAMA!

SHKARKO APP

App Store
Google Play

E fundit!

x

Një javë pas sulmit racist/ Mijëra protestues në rrugët e Maceratës, kundër fashizmit

10 Shkurt 2018, 18:45, Kosova & Bota CNA

Kur ka kaluar veç një javë, nga sulmi me përmbajtje raciste i kryer në qytetin italian të Maceratës, mijëra protestues kanë parakaluar ditën e sotme kundër fashizmit.

Si pasojë e sulmit me përmbajtje raciste, citojnë gazetat italiane, një javë më parë u regjistruan gjashtë të plagosur, ndërkohë që në këtë qytet të vogël në qendër të Italisë, nga frika e tejmbushjes me migrantë ,janë mbyllur dyert për të huajt.

Protestuesit kishin ardhur nga rajonet aty pranë duke sfiduar temperaturat e ulëta të dimrit. Ata nisën të marshonin në qetësi pas apelit të lëshuar nga disa shoqata antifashiste, OJQ, sindikata, por edhe partive politike të krahut të majtë.

?Nëse ka të papunë është për faj të qeverisë jo të migrantëve?, thërrisnin manifestuesit.

Protesta u zhvillua edhe pse kryetari i Bashkisë së Maceratës, Romano Carancini, përfaqësues i qendrës së majtë, kishte kërkuar anulimin e të gjitha tubimeve për shkak të bllokimit të trafikut.

Dhe ka qenë Prefektura që i’a ka hapur dritën jeshile të premten në mbrëmje organizatorëve duke i lejuar të zhvillojnë sot të shtunën, protestën, me kushtin që kortezhit ti ndalohej hyrja në qendrën historike të qytetit dhe të zhvillohej vetëm në zonat periferike./CNA.al





Lajmet e fundit nga