web counter
LEXO PA REKLAMA!

SHKARKO APP

App Store
Google Play

Paralajmëron BE/ Kujdes me lëvizjen e lirë

20 Dhjetor 2017, 12:49, Kosova & Bota CNA

Komisioni Evropian po raporton sot për funksionimin e regjimit pa viza me vendet e Ballkanit Perëndimor si dhe me vendet e Partneritetit Lindor, ku përfshihet edhe Shqipëria.

Komisioneri për Migracionin, Çështjet e Brendshme dhe Shtetësinë Dimitris Avramopoulos, gjatë fjalës së tij është shprehur se, shteti grek është i përkushtuar për të ruajtur udhëtimin pa viza, ndërsa shtoi se tetë vende të Ballkanit i përmbushin kërkesat.

Sipas Avramopoulos lëvizja e lirë ka edhe përgjegjësi prandaj duhen marrë parasysh kërkesat për forcimin e rregullave në kufi.

“Jemi te përkushtuar për të ruajtur udhëtimin pa viza. Tetë vende të Ballkanit i përmbushin kërkesat por lëvizja e lirë ka edhe përgjegjësi. Vijoni me ndërgjegjësimin dhe ndëshkimin e shkelësve”,- u shpreh Avramopoulos.

Gjithashtu,  Avramopoulos foli edhe për liberalizimin e vizave në Shqipëri.

Ai u shpreh se sfidat po vazhdojnë veçanërisht në vendin fqinj, megjithatë kjo mbetet në përgjegjësinë e autoriteteve vendase dhe të qytetarëve, ndërsa shtoi se Shqipëria duhet të marrë masa ndaj migrimit të parregullt.

“Sfidat veçanërisht vazhdojnë në Shqipëri. Mbetet përgjegjësi e autoriteteve dhe e qytetarëve.  Shqipëria duhet të marrë masa ndaj migrimit të parregullt. Duhet mbështetje që progresi të vazhdojë”, -përfundoi Avramopoulos. /CityNews

 

 

 





Lajmet e fundit nga