web counter
LEXO PA REKLAMA!

SHKARKO APP

App Store
Google Play

Rama sulmon sërish Hipotekat/ Ti biem me grusht çdo paraziti

7 Shkurt 2018, 11:57, Aktualitet CNA

I pranishëm në konferencën kombëtare për reformimin e shërbimeve administrative, ishte edhe vetë kryeministri Edi Rama.

Gjatë fjalës së tij, Rama premtoi edhe një herë thjeshtim procedurash për qytetarët.

Ndër të tjera, kreu i qeverisë tha se ?duhet t?i biem me grusht çdo paraziti e grabitqari që i vështirëson punën qytetarit?.

Gjithashtu ai tha se qytetarët nëpërmjet denoncimeve të tyre në platformën ?shqipëriaqëduam.al? kanë çuar 35 punonjës të administratës në Prokuri.

?Ne do vazhdojmë procesin, kemi realizuar gjëra të rëndësishme, për të hequr figurën e doganierit nga jeta e tyre, dhe sot të importosh në Shqipëri dhe të eksportosh do të jetë një proces pa doganierin në mes, mjafton një kompjuter dhe për 20 minuta ti zhdoganon mallin. Kjo për ne është një betejë për jetë e vdekje për të hequr parazitët nga zyrat e shtetit që torturojnë qytetarin.?.

Po ashtu Rama theksoi se reforma do kërkojë kohën e vet, por është domosdoshmëri që njerëzit të marrin sot atë që i takon pa pritur që ky operacion të japë rezultatet në katër vite.

?Që sot çdokush duhet të ketë forcën që të reagojë e të marrë atë që i takon po qe përballë një parazit a grabitqar që i ndalon të drejtën e tij. Ministrja e Drejtësisë bëhet për 3 minuta forca që vihet në shërbim të saj. T?i biem me grusht një paraziti e grabitqari që është i veshur me kostum e që rri mbrapa recepsionit e që në vend që të të japë të drejtën të vështirëson punë, siç ka ndodhur 12 vjet,? tha Rama.





Lajmet e fundit nga