web counter
LEXO PA REKLAMA!

SHKARKO APP

App Store
Google Play

Afera me rrugën/ Dashamir Xhika para Krimeve të Rënda

7 Shkurt 2018, 08:53, Aktualitet CNA

Ish-drejtori i Autoritetit Rrugor Shqiptar, Dashamir Xhika, ka mberritur ne Gjykatën e Krimeve të Rënda, për caktimin e masës së sigurisë. Ai është vënë nën akuzë për ?shpërdorim detyre me tenderët e ndërtimit të rrugës Tiranë-Elbasan.

Së bashku me të, ditën e sotme, do të jenë në Gjykatë edhe dy ish-drejtuesit e menaxhimit të projektit të rrugës, Aksel Qurduka dhe Albens Alite, të arrestuar javën që shkoi. Dëmi për ndërtimin e rrugës Tiranë- Elbasan llogaritet 54 milionë dollarë nga një auditit i Ministrisë së Energjetikës, përfunduar në dhjetor të vitit të shkuar.

Prokuroria e Krimeve të Rënda ka kërkuar nga Gjykata ?arrest me burg? për tre ish-zyrtarët. Auditi erdhi pas shirave të furishëm të dhjetorit, që shkaktuan shembje dhe bllokim në një pjesë të mirë të aksit.

Në vijim të konkluzioneve të këtij auditi, ministri i Infrastrukturës dhe Energjisë, Damian Gjiknuri, dërgoi pranë Prokurorisë për Krime të Rënda kallëzimin penal në ngarkim të Dashamir Xhikës, si edhe dy punonjësve të tjerë.

Procesi i auditit konstatoi efekte financiare me dëm ekonomik në vlerën 53,983,340 USD. Përveç kësaj, është konstatuar edhe një shkelje e disiplinës financiare në vlerën 16,117,926 dollarë, me ndryshimin e kontratave.

 





Lajmet e fundit nga