web counter
LEXO PA REKLAMA!

SHKARKO APP

App Store
Google Play

Detaji/ Zbulohet pse Edi Rama hoqi Niko Peleshin dhe vendosi Senida Mesin zv.Kryeministre

7 Shkurt 2018, 19:36, Aktualitet CNA

Në vitin 2013, kryeministri Edi Rama, me shpalljen e qeverisë, kishte dhe shumë surpriza, më e çuditshmja ishte emërimi i Niko Peleshit zëvendëskryeministër, për faktin se ai mbante postin e kryebashkiakut të Korçës dhe ishte në mes të mandatit.

Pas një pune 4-vjeçare duke drejtuar projektin e rilindjes urbane, Niko Peleshi u quajt një nga ministrat më të suksesshëm, por ai u largua nga zëvendëskryeministër, duke e çuar tek bujqësia. Një ministri jo pa peshë, por në atë kohë u tha se zëvendësimi i Peleshit kishte ardhur për shkak të emërimit të Senida Mesit, si një personazh që mund të garonte në zgjedhjet lokale të vitit 2019, si kandidate për kryebashkiake e Shkodrës.

Sot në fakt u mësua edhe një detaj tjetër, se pse Senida Mesi kishte zëvendësuar Niko Peleshin, i cili ishte pasardhës i Themie Thomait, apo Jemin Gjanës.

Detyra nuk ishte e parëndësishme e zotit Peleshi, por askush nuk e kuptonte se çfarë nuk bënte dot Niko Peleshi si zëvendëskryeministër. Sot këtë na e zbuloi vetë Kryeministri.

Në një show mediatik që zgjati disa orë, u vu re shkëlqimi i zëvendëskryeministres, Senida Mesi. Ajo tashmë kishte marrë rolin e saj të vërtetë, moderatore kryesore e ERTV, televizioni më i ri online, i cili me transmetimet e tij po sfidon telenovelën “Sulltanesha Kosem”.

Zëvendëskryeministrja Mesi, e cila nuk ka asnjë lidhje farefisnore me fenomenin e futbollit, yllin e Barcelonës Lionel, sot shkëlqeu. Ashtu si një yll i vërtetë, por jo në futboll, ajo shkëlqeu si moderatore në ERTV dhe zbuloi përfundimisht të vërtetët, “Cila ishte paaftësia e Niko Peleshit, dhe arsyeja pse u hoq nga zëvendëskryeministër?”.

Burime serioze thanë se projekti për moderatori/en e ERTV, ishte ai që vendosi fatin e ardhshëm të Niko Peleshit.

Megjithëse prej Korçe dhe me performancë të lartë vizive me sa duket për Ramën, ai nuk do të ishte moderatori i duhur për ERTV. Me Senidën zëvendëskryeministre, Rama sot provoi se kishte zgjedhur edhe moderatoren e duhur. /CNA.al





Lajmet e fundit nga