web counter
LEXO PA REKLAMA!

SHKARKO APP

App Store
Google Play

E fundit!

x

Asambleja e FSHF zgjedh sot kreun e saj/ Zbardhet programi

7 Shkurt 2018, 08:18, Aktualitet CNA

Asambleja e Federatës Shqiptare të Futbollit do të zgjedhë sot kreun e ri të saj.

Në garë janë presidenti aktual Armand Duka, Bashkim Fino dhe Shpëtim Hala, ish-gjyqtar.

Mësohet se në orën 9.00 në Hotel Adriatik, në Durrës, zhvillon punimet Asambleja Zgjedhore e Federatës Shqiptare të Futbollit, e cila do të vendosë se kush do të jetë kreu i FSHF për katër vitet e ardhshme.

Presidenti aktual, Armand Duka, kërkon një mandat të pestë, duke u bazuar sipas tij në progresin e futbollit shqiptar nën drejtimin e tij. Nga ana tjetër sfidanti kryesor Bashkim Fino, premton ndryshimin pas akuzave të forta ndaj drejtimit aktual dhe publikimit të shumë skandale financiare e shkeljeve ligjore nga ana e Dukës.

Në garë është edhe Shpëtim Hala, ish-gjyqtar, edhe pse me një kandidaturë që nuk ka patur rezonancë të fortë mediatike.

Dje zbarkuan në Shqipëri dhe përfaqësues të FIFA-s dhe UEFA-s të cilët do të monitorojnë zgjedhjet./ CNA.al

Rendi i Ditës

 

 

1. Përshëndetja e presidentit Armand Duka;

2. Verifikimi i përbërjes së mbledhjes;

3. Zgjedhja e anëtarëve të Komisionit të Verifikimit dhe numërimit të votave;

4. Emërimi i delegatëve për të verifikuar procesverbalin e asamblesë;

5. Aprovimi i procesverbalit të Asamblesë së Përgjithshme;

6. Raporti i presidentit Duka mbi aktivitetin e Komitetit Ekzekutiv;

7. Aprovimi i pasqyrës së llogarive për periudhën 1 janar-31 dhjetor 2017;

8. Pranimi i raportit të auditorit të pavarur ?Deloitte Albania?;

9. Propozimi për shoqërinë audituese për vitin financiar 2018;

10. Aprovimi i buxhetit për vitin financiar 2018;

11. Raporti mbi Ligën Profesioniste të Futbollit;

12. Zgjedhjet për presidentin e FSHF-së;

13. Zgjedhja e nëntë anëtarëve të Komitetit Ekzekutiv;

 





Lajmet e fundit nga