web counter
LEXO PA REKLAMA!

SHKARKO APP

App Store
Google Play

Importet e Serbisë përmbytin tregun e Kosovës

6 Shkurt 2018, 20:33, Aktualitet CNA

Kosova vazhdon të mbetet e varur nga importet e Serbisë. Bazuar në të dhënat zyrtare të Agjencisë së Statistikave të Kosovës, mësohet se deficiti tregtar për muajin dhjetor në fundvitin 2017 u rrit për 8.5 për qind në raport me periudhën e njëjtë të vitit 2016.

Të dhënat flasin se eksporti i mallrave në muajin dhjetor 2017 kishte vlerën 29. 4 milionë euro, ndërkaq importi 297,3 milionë euro. Kësisoj, raporti eksport/import është 1 me 10.

Eksperti i ekonomisë, Lulzim Beqiri tha për “Kosova Sot”, se Republika e Kosovës është importuese e shumicës se produkteve që konsumon, dhe kjo është tepër shqetësuese.

“Shpeshherë kemi hasur në medie të shkruara dhe elektronike për problemet me produkte të importit sidomos nga Serbia që, sipas shumë hulumtimeve, janë edhe kancerogjene dhe kompanitë serbe kanë edhe linja të veçantë prodhimi për Kosovë pa kurrfarë standardi”, u shpreh ai.

Beqiri shtoi se të dhënat nga Tregtia e Jashtme në Kosovë tregojnë për një deficit tregtar më të lartë për 8.5 për qind në muajin dhjetor 2017, në raport me periudhën e njëjtë të vitit 2016, gjegjësisht në vlerë prej 267,8 milionë eurosh, krahasuar me deficitin prej 246,9 milionë eurosh në vitin 2016. /CNA.al





Lajmet e fundit nga