web counter
LEXO PA REKLAMA!

SHKARKO APP

App Store
Google Play

E fundit!

x

Vulin: Shqiptarët dhe serbët në Kosovë duhet të ndahen përgjithmonë

6 Shkurt 2018, 19:28, Aktualitet CNA

Serbia duhet të kërkojë një marrëveshje për ndarjeje me Kosovën fqinje me qëllim që të përfundojë mosmarrëveshja që e pengon pranimin e Beogradit në Bashkimin Evropian, tha të martën ministri serb i mbrojtjes, Aleksandar Vulin, raporton ?Reuters?, i sjellë në shqip nga ?zeri.info?.

Beogradi refuzon të njohë pavarësinë e Kosovës, pavarësisht presionit nga Brukseli për të përmirësuar marrëdhëniet mes dy vendeve si një parakusht për anëtarësimin në BE.

Duke folur në një tryezë të rrumbullakët mbi Kosovën, ministri i mbrojtjes Aleksandar Vulin nuk ka specifikuar se cila pjesë e vendit sipas tij duhet të ndahet, por thirrjet e ngjashme të bëra në të kaluarën kanë vënë në shënjestër veriun e Kosovës.

“Ndarja vendimtare dhe e përhershme ndërmjet serbëve dhe shqiptarëve duhet të ndodhë në Kosovë”, tha Vulin në tryezën e rrumbullakët të ekspertëve të mbledhur si pjesë e një dialogu kombëtar mbi Kosovën.

Në orët e pasdites të së martës, Komisioni Europian shpalli strategjinë e Ballkanit Perëndimor që do të vendosë vitin 2025 si një datë të synuar për Serbinë dhe ish-partnerin e saj të vogël federal Malin e Zi për t’u bashkuar me BE-në./CNA.al





Lajmet e fundit nga