E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Degradon debati/ Idrizi-Publicistit Beci: Le të shkojë e të pyesë gruan në shtëpi për çështjen çame

6 Shkurt 2018, 20:59, Aktualitet CNA

Emisioni “Studio e hapur” po diskutohet për marrëdhëniet Shqipëri-Greqi dhe marrëveshjet e arritura mes ministrit të Jashtëm Ditmir Bushati dhe homologut të tij grek Nikos Kotzias.

Në lidhje direkte nga një studio tjetër ishte kryetari i partisë çame PDIU, Shpëtim Idrizi, i cili ka debatuar me analistin shqiptaro-grek, Orfea Beci, i cili në një lidhje direkte nga Gjirokastra, injoroi çështjen çame.

Në debat e sipër, Shpëtim Idrizi kërkoi që të mos debatonte në distancë me publicistin Beci, dhe kështu që tentoi të largohej duke e ndërprerë debatin në mes. Por ndërhyrja e moderatores Eni Vasili, bëri Idrizin që të ndërronte mendje.

Në momentet e fundit debati përsëri degradoi, pasi Besi la të kuptonte se nuk e njihte çështjen çame, e kësisoj, Idrizi është nervozuar dhe i tha Becit para se të largohej: “Le të shkojë e të pyesë gruan në shtëpi për çështjen çame”.

Pjesë nga debati:

Beci: Nuk i dëgjova bisedat e mëparshme, sepse isha rrugës duke ardhur me vrap. Nuk merrem me çështje mbjellje ullinjsh.
Idrizi: Eja të ballafaqohemi në studio zoti i nderuar. Mos fol më këtë gjuhë se nuk të shkon.
Vasili: Qetësohuni zotërinj!
Idrizi: Ai më provokon se flet nga Gjirokastra. Është turp që një shqiptar flet ashtu.
Vasili: Të thotë një mëndim të paktën.
Beci: 85 mijë shqiptarë janë në Greqi dhe punojnë. Për këtë është koshient çdo njeri. Në këto momente kaq të vështira ekonomike?
Harxhi: Ata shqiptarë që jetojnë në Greqi, numri në bazë të statistikave ka rënë mjaftueshëm. Por është e vërtetë që ka pasur shumë shqiptarë, po si është e mundur që nuk e njihni çështjen çame.
Beci: Tek përdorimi i termave të keni e kujdesshme.
Harxhi: Cilin term? E kam për nder që jam shqiptare
Beci: Nëse do kishte dispozicione për gjëra të tilla, ai popull s?do priste shqiptarët.

Idrizi: Midis Shqipërisë dhe Greqisë e kemi fqinj, duhet të kemi marrëdhënie të mira. Se kuptoj se si ai flet ashtu. E vërtetë që shumë shqiptarë jetojnë në Greqi, por ata punojnë vet. Politika greke duhet të fillojë të kuptojë se marrëdhënia njerëzore nuk mund të funksionojë nga disa koka të shtrembëra për të pranuar të vërtetat. Shqiptarët e Çamërisë kanë qenë dem baba dem në trojet e tyre.

Vasili: Zoti Beci ka kombësi greke..
Idrizi: Është shtetas shqiptarë. Madje madje?a mund ti them një gjë? Po i them një gjë zotit Beci, që të shkojë të pyes në shtëpi gruan e tij për çështjen çame.
Vasili: Zoti Idrizi, të mos kalojmë në këto terma. /CNA.al