web counter
LEXO PA REKLAMA!

SHKARKO APP

App Store
Google Play

Deputetja e LSI tregon ministrat e Ramës që duhet të ishin në burg

4 Shkurt 2018, 21:17, Aktualitet CNA

Deputetja e Lëvizjes Socialiste për Integrim, Kejdi Mehmetaj, ka reaguar, pas vendimit të Gjykatës së Krimeve të rënda dhe asaj të Elbasanit, për të lënë në burg pa afat ish-drejtorin e Autoritetit Rrugor Shqiptar, Dashamir Xhika.

Xhika, i cili vjen nga radhët e LSI-së, dhe është kryetari i kësaj force në Elbasan.

Sipas Mehmetajt, kjo që po ndodh është frika që ka kapur Edi Ramën, dhe po nxjerr në shesh uzurpimin që i ka bërë institucioneve të drejtësisë.

Mehmetaj thotë se ata që duhet të ishin pas hekurave janë Saimir Tahiri, Damian Gjiknuri dhe Ilir Beqja.

Postimi i plotë i Mehmetajt

Frika që ka kapur Edi Ramën po nxjerr në shesh uzurpimin që i ka bërë institucioneve të drejtësisë.

Asgjë që KM po bën nuk do e ndalojë popullin të tërhiqet nga rruga që ka nisur për ta hequr atë nga karrigia që po mban peng.

Gjyqet politike që ka nisur nuk i mbulojnë dot dosjet që po lë në heshtje prokuroria e kapur.

Tahiri, Gjiknuri, Beqja, të tjerë ministra dhe Rama vet do duhej të ishin sot mbas hekurave.

As arrestimet në mes të natës, as urdhri i prerë që ditën e diel të vazhdoheshin sulmet politike, nuk fshehin dot zullumet e kësaj qeverie të cilës gjella e tepsisë u është djegur e tymi është shpërndarë gjithandej.

Zoti. Xhika do e provojë pafajësinë e tij përballë drejtësisë, po ju o peshqit e mëdhenj çdo ju mbetet përpara popullit !? /CNA.al





Lajmet e fundit nga