Sanksionet e ambasadave ndaj deputetëve “të mbrapshtë”

27 Janar 2018, 16:01, Aktualitet CNA

Ambasadat e shteteve të ndryshme të Bashkimit Evropian nuk e hedhin poshtë mundësinë t?i sanksionojnë politikanët kosovarë që do ta përkrahin shfuqizimin e Ligjit për Gjykatën Speciale.

Sipas tyre, as që mund të imagjinohet që një shkelje serioze e angazhimeve ndërkombëtare në vend të kalojë pa pasoja, shkruan sot gazeta ‘Zëri’.

Ambasada e Francës në Prishtinë nuk e hedh poshtë mundësinë e sanksionimit të deputetëve kosovarë me mosdhënie të vizave nëse vazhdojnë ta përkrahin shfuqizimin e Ligjit për Gjykatën Speciale.

Sipas tyre, as që mund të paramendohet që një shkelje serioze e angazhimeve ndërkombëtare në Kosovë ta kalojë pa pasoja.

?Sanksionet janë të mundshme nëse situata e kërkon atë. Por, ato mund të diskutohen dhe duhet të vendosen vetëm brenda kornizës evropiane. Nuk mund të paramendohet që një shkelje serioze e angazhimeve ndërkombëtare në Kosovë të kalojë pa pasoja. Ne mendojmë se arsyeja do të mbizotërojë, sepse është në interes të vendit?, thuhet në përgjigjen e Ambasadës së Francës dhenë për gazetën ?Zëri?.

Ndërsa zyrtarë të Ambasadës Amerikane në Prishtinë kanë deklaruar për gazetën ?Zëri? se Gjykata Speciale do të ndihmojë për sjelljen e drejtësisë për shumë qytetarë të Kosovës, përderisa kanë kërkuar nga Kuvendi që ta miratojë sa më parë Marrëveshjen e Demarkacionit me Malin e Zi.

?Gjykata Speciale do të ndihmojë në sjelljen e drejtësisë për shumë qytetarë të Kosovës të shumë etnive dhe është hap jetik për të ardhmen evropiane të Kosovës. Kundërshtojmë projektligjin i cili po diskutohet tani dhe i përsërisim thirrjet tona drejtuar udhëheqësve institucionalë, udhëheqësve partiakë dhe anëtarëve të Kuvendit të heqin dorë nga shfuqizimi apo amendamentimi i çfarëdo pjese të Ligjit për Gjykatën Speciale?, thuhet në përgjigjen e Ambasadës Amerikane.

Në konkretizim të këtyre sanksioneve mediet e Kosovës kanë raportur se për 43 deputetët që kanë nënshkruar iniciativën për shfuqizimin e Gjykatës Speciale shtetet e BE-së nuk do të lëshojnë viza. Po ashtu mediet kanë shkruar se pikërisht për shkak të këtyre kundërshtimeve Ambasada amerikane në Prishtinë nuk i ka dhënë vizë kryeministrit Haradinaj që të marrë pjesë në fillim të muajit të ardhshëm në ?Lutjet e Mëngjesit? në Uashington./CNA.al