web counter
LEXO PA REKLAMA!

SHKARKO APP

App Store
Google Play

Kongresi i Lushnjës, krijues i shtetit modern shqiptar

21 Janar 2018, 10:13, Aktualitet CNA

Kongresi i Lushnjes, i cili u mbajt 21-deri më 31 janar të vitit 1920,  ka peshën dhe përmasat e një rëndësie të veçantë për historinë tonë kombëtare

Në punimet e tij, kongresi mori edhe vendime të rëndësisë së veçantë, si ato për organizimin e një kryengritje të përgjithshme popullore kundër pushtuesve të huaj, pra kundër qëllimeve grabitçare të shteteve fqinje shoviniste të cilat pretendonin copëtimin dhe gllabërimin e tokave shqiptare.

Gjatë ditëve të punimeve Kongresi zgjodhi këshillin e lartë prej 4 vetash, që do të kryente funksionet e kryetarit të shtetit dhe një këshill kombëtar me 37 veta.

Kryeministër u zgjodh Sulejman Delvina.

Qëllimi i Kongresit ishte studimi i situatës së brendshme dhe të jashtme të vendit dhe masat që duhet të merreshin për shpëtimin nga rreziku i copëtimit të Shqipërisë.

Ishin vendimet e këtij Kongresi që si rezultat pasuan me lindjen e lëvizjes së fuqishme nacional-çlirimtare në Shqipëri, që në fakt lindja e kësaj lëvizje ishte dhe mbeti domosdoshmëri e kohës e cila e vërtetoi katërcipërisht më vonë ekzistencën dhe veprimtarinë e saj në favor të çështjes kombëtare e politike.





Lajmet e fundit nga