web counter
LEXO PA REKLAMA!

SHKARKO APP

App Store
Google Play

E fundit!

x

Vetingu/ Xhafaj u jep 30 ditë kohë policëve të korruptuar të dorëhiqen

21 Janar 2018, 09:48, Aktualitet CNA

Ndonëse prej kohësh ishte folur për veting në radhët e policisë dhe pse ?shkëndijat? e para kishin filluar, tashmë Ministria e Brendshme e ka gati projektligjin.

Ashtu siç edhe ishte deklaruar nga ana e ministrit Xhafaj, projektligji i vetingut ka përfunduar dhe shumë shpejt brenda fundit të muajit pritet që t?i dorëzohet Kuvendit për miratim. Ajo çfarë është interesante është se po ndiqet pothuaj i njëjti skenar si reforma në drejtësi.

Kështu me ligjin e vetingut në polici, ministri Brendshëm Fatmir Xhafaj u jep 30 ditë kohë nga hyrja e ligjit në fuqi, të gjithë policëve të korruptuar që të dorëhiqen.

Të gjithë punonjësit që do të duan të dorëhiqen do duhet t?i paraqesin me shkrim një kërkesë titullarit të institucionit. ?Punonjësi që i nënshtrohet vlerësimit ka të drejtë të japë dorëheqjen nga detyra jo më vonë se 30 ditë nga hyrja në fuqi e këtij ligji.

Dorëheqja i paraqitet me shkrim titullarit të institucionit përkatës?, thuhet në nenin 55 të projektligjit të vetingut. Ndërkohë pas dhënies së dorëheqjes çdo punonjës i Policisë së Shtetit që nuk do të dojë që t?i nënshtrohet vetingut do të përfitojë një pagesë kalimtare sipas parashikimeve të ligjit të sigurimeve shoqërore.

?Pas dhënies së dorëheqjes, punonjësi ka të drejtë të përfitojë pagesë kalimtare, sipas parashikimeve të ligjit ?Për sigurimin shoqëror suplementar të ushtarakëve të Forcave të Armatosura, të punonjësve të Policisë së Shtetit, të Gardës së Republikës, të Shërbimit Informativ të Shtetit, të policisë së burgjeve, të policisë së mbrojtjes nga zjarri dhe të shpëtimit e të punonjësve të Shërbimit të Kontrollit të Brendshëm në Republikën e Shqipërisë?, thuhet aty.

Të gjithë punonjësit që nuk do të arrijnë të kalojnë procesin e vetingut sipas draftit të projektligjit të hartuar nga Ministria e Brendshme do të përjashtohen nga detyra.

Kështu do të përjashtohen të gjithë ata punonjës që bëjnë deklarata të rreme, kur nuk justifikojnë pasurinë apo e fshehin atë si dhe në rast se ka lidhje me persona të inkriminuar.

Një pikë tjetër interesante e projektligjit të vetingut është se nëse evidentohen mangësi në radhët e aftësive profesionale të efektivëve këta të fundit do të duhet t?i nënshtrohen një programi trajnimi 1-vjeçar që të përmirësohen./Sot





Lajmet e fundit nga