E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Myslym Murrizi kundër Oerd Bylykbashit/ Plas “lufta”, në grupin e PD -së

20 Janar 2018, 10:06, Aktualitet CNA

Në një koment në rrjetet sociale, Myslym Murrizi ka sulmuar, deputetët, kolegët e tij të cilët janë pjesë e komisionit parlamentar të ligjeve. Një ?luftë? brenda grupit parlamentar të cilin Basha e quan solid dhe pa probleme. Në fakt shpërthimi i Murrizit tregon, se grupi i Bashës ka shumë probleme. Ato u shfaqën me votimin e Gramoz Ruçit tek të paktën pesë deputetë të PD ?së dhe çdo ditë e më shumë po tregohet se grupi demokrat është amalgamë e drejtuar keq nga Lulzim Basha.

Me një qëndrim të ashpër ai drejton gishtin ndaj Oerd Bylykbashit, i cili që prej zgjedhjes së Lulzim Bashës kryetar i PD ?së, mban disa poste të rëndësishme politike. Ai është sekretar për çështjet ligjore, kryetar i komanduar i PD ?së në Durrës, përfaqësues i PD ?së për reformën në drejtësi, anëtar i komisionit të ligjeve dhe dalja e djeshme në disa komisione dhe nënkomisione të tjera parlamentare ka sjellë në vëmendje pozicionet e shumta të Bylykbashit.

?Në komision të ligjeve, në komision të Vetingut, në komision të reformës në drejtësi, në komision të reformës zgjedhore, në komisionin AD HOC për KLP, në komision të KLGJ-së, në komisionin e rregullores së Kuvendit, në komisionin e kodit të etikes dhe veshjes, në komision të sfilatës etj. Mirë është ti caktojnë edhe tek komisioni i ndarjes së tokave, se më duket se ndajnë ? drejt? për veten. Po kur bëjnë si ? baballarë? të drejtësisë!? ka nënvizuar Murrizi. Në një koment të tij në rrjetet sociale.

CNA mori një informacion të thjeshtë pranë Kuvendit dhe rezulton se pjesëmarrjet në mbledhjet e komisioneve të përhershme, në komisione të përkohshme apo dhe angazhime të tjera në strukturat parlamentare kanë pagesë ekstra, pra deputetët me më shumë pjesëmarrje dhe me përfaqësim më të madh në aktivitetin parlamentar janë edhe më të paguarit. Pra, përtej ?diturisë? përfaqësimit që i jepet nga kryetari i partisë, gjithçka përkthehet në lekë për xhepat e këtyre deputetëve.

Murrizi akuzon Oerd Bylykbashin dhe i fut një ?shuplakë? edhe Lulzim Bashës duke thënë, se ai i mban si manekinë. Në fakt njeriu që i ka caktuar të gjitha ato detyra është vetë Lulzim Basha, i cili ka frikë nga hija e tij, pasi nuk di të ndërtojë skuadër, nuk di të shpërndajë detyrat, nuk di të kërkojë llogari, nuk ka një ekip solid dhe me vlera, nuk ka bashkëpunëtorë që të përfaqësojnë kapacitetet intelektuale, por vetëm servilë që i bëjnë fresk dhe së fundi prej tyre mori dhe një rezultat spektoklar në zgjedhjet parlamentare./CNA.al