E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mediat kroate zbulojnë skenarin/ Ja pse e vrau Oliver Ivanoviçin Shërbimi Sekret Serb

18 Janar 2018, 19:51, Aktualitet CNA

Meqë Ivanoviçi me aktgjykimin për krime nuk u ka pëlqyer kosovarëve, ka qenë zgjidhje ideale për likuidim, me të cilin Serbia do ta drejtonte gishtin nga Kosova. Thjesht, kanë kërkuar mënyrë për t?i ndaluar bisedimet…», ka shkruar portali kroat duke cituar një burim në Beograd.

Vrasja e Oliver Ivanoviçit, liderit të Iniciativës Qytetare «Liri, demokraci, drejtësi» e ka tronditur me themel Serbinë e Kosovën, por i ka shqetësuar edhe të gjitha shtetet përreth, të cilat dëshmojnë për tensione të përditshme të ndërsjella të dy vendeve”, shkruan portali kroat Dnevno.hr.

Ivanoviçin e likuiduar, prokuroria e Kosovës e ka akuzuar për krime lufte mbi popullatën civile në Kosovë, të bëra në vitin 1999 e 2000, duke e paraqitur si komandues të formacioneve paramilitare.

I vrari «i ngacmonte» të tjerët për krime lufte

Dhe derisa faji i kosovarëve për shumëkënd imponohet si e vetmja përgjigje e arsyeshme në pyetjen se «kush është vrasësi», ndërsa lufta parashihet si rrjedhë logjike, një burim i informuar mirë portalit tonë i ka zbuluar anën tjetër të tregimit. «Nuk do të ketë kurrfarë pasojash e as që do të ndodhë kurrfarë lufte ndërmjet Serbisë e Kosovës. Është krejtësisht e sigurt se e ka likuiduar Shërbimi Sekret dhe se Serbia e ka miratuar këtë. Ivanoviçi, në fakt, është shkolluar në Zagreb dhe ka qenë bashkëpunëtor i KOS-it (shërbimit sekret të Armatës Popullore Jugosllave), ndërsa nuk është e fshehtë se ka qenë njeri i besuari i Aleksandar Vasileviçit, shef të shërbimit të KOS-it.

Vështirë është të shitet varianti se shërbimet sekrete nuk kanë ditur se kjo do të ndodhë. Serbia zyrtare vrasjen e Ivanoviçit heshtazi e ka lejuar dhe, nëse nuk ngrihet shumë zhurmë e medieve, për këtë që pasnesër nuk do të ?asë më askush».

Teoria e burimit të portalit Dnevno.hr mbështetjen e mundshme e ka në faktin se vetëm dy ditë para atentatit, CIA sigurisht e informuar, ka dhënë paralajmërim alarmuese për Kosovën, me të cilin ka tërhequr vërejtjen për terrorizëm të mundshëm dhe dhunë të motivuar politikisht, e cila paraqitet anembanë vendit. Është vrarë për të ndaluar bisedimet për njohje? shkruan Dialogplus.

«Serbët nuk e kanë të panjohur ta heqin qafe cilindo politikan të tyre, i cili nuk u shkon për shtati. Ne kemi shërbim jashtëzakonisht të fortë të inteligjencës dhe të paralajmërimit. Kreu i ynë politik është i vetëdijshëm se duhet ta njohim Kosovën? Meqë Ivanoviçi me aktgjykimin për krime nuk u ka pëlqyer kosovarëve, ka qenë zgjidhje ideale për likuidim, me të cilin Serbia do ta drejtonte gishtin nga Kosova. Thjesht, kanë kërkuar mënyrë për t?i ndaluar bisedimet?».

Mbi urgjencën e zgjidhjes së situatës kosovare-serbe, këto ditë kanë bërë të ditur edhe mediet serbe. «Amerikanët tashmë po i humbasin nervat, sepse dëshirojnë ta mbyllin tregimin mbi Kosovën si shtet i pavarur me pranimin në OKB, gjë që pushteti aktual i Beogradit është dashur ta përfundojë në vitin 2015. Tash do të bëjnë gjithçka që të marrin atë që kanë planifikuar, sepse për shkak të premtimeve të kreut shtetëror serb se do të përfundojnë me Kosovën e kanë mbështetur Aleksandar Vuçiçin dhe pushtetin e tij, duke i mbyllur sytë para shuarjes së opozitës dhe censurën e medieve».

A është kjo vrasje zgjidhje të cilën e ka miratuar vetë Aleksandar Vuçiçi për t?iu shmangur njohjes së Kosovës, sigurisht se kurrë nuk do të merret vesh. Mirëpo, se si i është drejtuar në mënyrë dramatike publikut ka zbuluar më shumë se sa është dashur. Vuçiçi, në fakt, ka shprehur dëshirën që Serbia t?i bëjë hetimet, ka premtuar zbulimin e vrasësit dhe i ka qëruar hesapet me të gjithë ata të cilët «kanë marrë guximin të mendojnë se ai personalisht ka ndonjë lidhje me këtë»./Marrë nga Bota sot/